کورپاڼه / خبرونه / پاکستانيانو چې تراوسه په راشد خان نيوکې کولې، اوس يې ستاينې کوي
راشد خان (4)

پاکستانيانو چې تراوسه په راشد خان نيوکې کولې، اوس يې ستاينې کوي

کله چې د افغانستان مخکښ ورو توپ اچونکي راشد خان د کرکټ نړيوالې شورا (اى سي سي) د شل اوريزو لوبو د لسيزې د غوره لوبغاړي جايزه وګټله، نو تر ټولو زيات زور يې پاکستانيانو ته ورکړ.

نه يوازې پاکستاني کرکټرانو، بلکې پاکستاني رسنيو او لوبغاړو هم په اى سي سي سختې نيوکې وکړې، چې څنګه راشد خان د لسيزې د شل اوريزو لوبو غوره لوبغاړى شو.

خو اوس چې تازه راشد خان د پاکستان سوپر ليګ (پي ايس ايل) ته نومليکنه وکړه او هغه د لاهور قلندرز لوبډلې په پلاټينيم کټګورۍ کې واخيست، نو پاکستانيان يې په صفتونو نه مړېږي.

تېره شپه د پي ايس ايل د ډرافټ مراسمو پر مهال هم بيا بيا د راشد خان يادونه کېده او ويل کېدل، چې د راشد خان، مجيب الرحمان او محمد نبي دې سياليو کې په اخيستلو به سږکال دا سيالۍ لا ډېرې په زړه پورې شي.

بلخوا په ټولنيزو رسنيو کې هم ډېرى پاکستانيانو راشد خان ته هرکلى ويلى دى او په ځانګړې توګه د لاهور قلندرز لوبډلې بيا ډېره خوښي ښکاره کړې ده، چې د راشد خان په څېر د نړۍ د شل اوريزو لوبو غوره لوبغاړى د دوى د خوښې لوبډلې سره يو ځاى شو.

د ملالې يوسفزۍ پلار ضيا الدين يوسفزي هم د راشد خان يو عکس په ټويټر کې خپور کړى دى او هغه ته يې ښه راغلاست ويلي دي. نوموړي ليکلي دي چې د طالبانو له دورې وروسته راشد خان د افغانستان ښکلې څېره ده او د پاکستان او افغانستان ترمنځ د سولې او ملګرتيا استازى به وي.

يو بل کس بيا د لاهور قلندرز له لوري خپور شوي د راشد خان عکس، چې ايډيټ شوى دى، په اړه ليکلي دي، کله چې راشد خان د عکس دا ايډيټينګ وليده، نو له لوبو کولو څخه يې انکار وکړ.


د يادولو وړ دا هم ده چې راشد خان به په لومړيو پنځه لوبو کې ګډون ونه کړي. د لاهور قلندرز لوبډلې مالکانو ويلي دي، چې په لومړيو پنځه لوبو کې راشد خان له دوى سره برخه نه اخلي او له هغه وروسته به بيا د دوى له لوبډلې سره يو ځاى شي.

Loading...

دا هم ولولئ

کيرون پولارډ

کيرون پولارډ نړۍ حېرانه کړه

د ويسټ انډيز کرکټ ملي لوبډلې لوبډلمشر او چټک توپوهونکي کيرون پولارډ په هغه توپ …