کورپاڼه / روغتيا / هوږه د کومو ناروغیو په مخنیوي کې ګټوره تمامېږي؟

هوږه د کومو ناروغیو په مخنیوي کې ګټوره تمامېږي؟

د الرجل د اخبار د راپور له مخې ویل کېږي، چې هوږه د پیازو له نسل څخه ده، چې ډېرې روغتیایې ګټې لري. یعنې د هوږې په استعمال سره د وینې دوران ښه کېږي او د هضم په مرحله کې اغېزمنه تمامېږي. دغه راز هوږه چې په ټوله نړۍ کې کرل کېږي، ډېری خلک یې د ښه خوند او بوي له امله په هر ډول خوړو کې هم استعمالوي.

یوازې دا نه چې هوږه په ټوله نړۍ کې ډېر شهرت لري، بلکې په ځینو ناروغیو هم کې د درملو په توګه استعمالېږي، چې کارول دفاعي سیستم ځواکمنوي او د زړه لپاره ګټوره تمامېږي. د منځني ختیځ په ځانګړي توګه د مصر د خلکو په اړه به مو اورېدلي وي، چې دوی په نهاره سره هوږه استعمالوي او له څېړنو هم ثابته شوې ده، چې په نهاره سره د هوږې خوړل د ناروغیو په مخنیوي او د خولې د بوی په ورکولو کې ګټوره تمامېږي.

د هوږې ګټې:

که څه هم د هوږې د خوړلو په سبب د خولې بوی پیدا کېږي، خو بیاهم ډېرې ګټې لري چې دلته به یې بیان کړو:

فایبر:

هوږه یو له هغه بوټو څخه ده چې په ډېره اندازه فایبر لري او په استعمالول سره یې انرژي ترلاسه کېږي.

انټي بایوټیک:

د نړۍ لوی شرکتونه د انټي بایوټیک درملو په تیارولو ډېر زیات مصارف کوي، خو که چېرته هوږې ته وکتل شي نو ویل کېږي چې هوږه یو طبیعي انټي بایوټیک دی.

میکروبونه له منځه وړي:

د هوږې په اړه ویل کېږي چې هوږه په طبیعي توګه د میکربونو ضد خاصیت لري، چې ډېری وخت یې ډاکتران په نهاره سره د استعمال لارښوونه هم کوي.

د بدن د پاکوالي لامل ګرځي:

ویل کېږي چې هوږه د بدن او د خولې په پاکولو او د میکروبونو په له منځه وړلو کې ډېره ګټوره تمامېږي او په همدې ډول د هوږې خوړل د بدن د پاکوالي لامل ګرځي.

د ویښتانو لپاره:

هوږه د سر د پخې یوه طبیعي درملنه ګڼل کېږي، نو که چېرته یې پخپلو خوراکي توکو کې استعمال کړو یا یې هم په سر ولګوو، نو په پایله کې به مو د سر پخه ورکه شي او ویښتان به مو له توییدو وژغورل شي.

د زړښت مخنیوی کوي:

له ډېرو څېړنو څخه معلومه شوې چې د هوږې استعمال د ویښتانو د سپینوالي په رامنځته کېدو کې وروسته والی رامنځته کوي.

وزن کموي:

ټرایګلسرایډس د وازدې یو ځورونکی ډول دی، چې د څېړنې له مخې معلومه شوې او ویل شوي چې هوږه د ذکر شوې وازدې د اوبه کولو وړتیاوې پخپل ځان کې لرلی شي.

د زړه لپاره ګټور وي:

ویل کېږي چې هوږه د خپلو طبیعي توکو په لرلو سره د زړه د ناروغیو په مخنیوي کې ګټوره تمامېږي او د رګونو په خلاصولو کې د درملو په توګه کار کوي.

لوړ فشار:

د خوراکي توکو او د روغتیایي کارپوهانو د لارښوونو له مخې ویل کېږي چې هوږه د لوړ فشار د ناروغانو لپاره ګټوره وي.

د فلج لپاره:

ویل کېږي چې هوږه د فلج د ناروغۍ خطر کموي او په همدې ډول د دماغو اړوند ستونزې هم حلوي.

د امیندارو میرمنو لپاره:

د ډاکترانو لخوا ډېری وخت امیندوارو میرمنو ته د هوږې د استعمال لارښوونه کېږي، ځکه چې د هوږې کارول ستړیا او کمزوري له منځه وړي.

د بواسیرو لپاره:

هوږه د بواسیرو اړوند ستونزې او د سوخت او درد په له منځه وړلو کې مهم رول لري.

دفاعي سیستم ځواکمنوي:

ویل کېږي چې د هوږې په استعمال سره دفاعي سیستم ځواک مومي او د ګڼو ناروغیو په مخنیوي کې ګټوره تمامېږي.

د تنفسي سیستم لپاره:

د هوږې په استعمال سره د اړوند ستونزې له منځه ځي او د سینه په ناروغۍ کې هم ګټوره تمامېږي.

زهرجن توکي خارجوي:

ځینې وخت د انسان بدن ته مضر او ضرر رسوونکې مواد داخلېږي، چې د هوږې په استعمال سره ترې خلاصون موندلی شو.

د هوږې سم استعمال:

هوږه به سپینه کړئ او په یخچال کې به یې کېږدئ، د اړتیا پر وخت به یې نرۍ نرۍ پرې کړئ او هڅه وکړئ چې په نهاره یې استعمال کړئ، خو یاده دې وي چې ډېر استعمال یې ښه نه وي.

Loading...

دا هم ولولئ

کدو

د کدو د جوسو د استعمال پنځه حیرانوونکې ګټې

د شین رنګه سبزیجاتو له جملې څخه یو هم کدو دی، چې په طبیعي ډول …