کورپاڼه / تجارتي ليګونه / د ابوظهبي ټي ١٠ ليګ مهالوېش اعلان شو، ١٠ ورځو کې ٢٩ لوبې ترسره کېږي
ابوظهبي ټي ١٠ ليګ مهالوېش

د ابوظهبي ټي ١٠ ليګ مهالوېش اعلان شو، ١٠ ورځو کې ٢٩ لوبې ترسره کېږي

په متحده عربي اماراتو کې د ترسره کېدونکي ابوظهبي ١٠ اوريزه کرکټ ليګ مهالوېش اعلان شو، چې له مخې به يې په ١٠ ورځو کې ٢٩ لوبې ترسره شي.

د مهالوېش له مخې، د جنورۍ په ٢٨مه نېټه به په شېخ زيد کرکټ لوبغالي کې د دفاعي اتلې لوبډلې مراټا عربينز او ناردرن واريرز ترمنځ لومړۍ لوبه ترسره شي او پايلوبه به د فبرورۍ په ٦مه نېټه وشي.

ټي ١٠ ليګ مهالوېش ١

په دې سياليو کې به هره ورځ درې لوبې ترسره کېږي، چې په لومړۍ ورځ به هم درې لوبې ترسره شي. په لومړۍ ورځ دويمه لوبه د پونى ډيويلز او دکن ګليډيټرز او همدا راز دريمه لوبه بيا د ډيلي بولز او بنګله ټايګرز لوبډلو ترمنځ ترسره کېږي.

ټي ١٠ ليګ مهالوېش ٢

د دې مهالوېش له مخې به ٢٩ لوبې په ١٠ ورځو کې ترسره شي، چې تر لسو زيات افغان لوبغاړي هم په دې سياليو کې د بېلا بېلو لوبډلو سره لوبېږي.

ټي ١٠ ليګ مهالوېش ٣

په دې سياليو کې ٨ لوبډلې برخه لري، چې نجيب الله ځدراڼ او نوين الحق د ټيم ابوظهبي، قېس احمد، کريم جنت، فضل حق فاروقي، نور احمد او مجيب الرحمان د بنګله ټايګرز، محمد شهزاد د دکن ګليډيټرز، عظمت الله عمرزى د قلندرز، محمد نبي، رحمان الله ګربز او وقار سلامخېل د ډيلي بولز او درويش رسولي د پونى ډيويلز لوبډلو سره لوبېږي.

Loading...

دا هم ولولئ

کريس ګيل

د کريس ګيل د پرتوګ اغوستلو جالبه ويډيو

د ويسټ انډيز چټک توپوهونکى کريس ګيل، چې د يونيورس باس په نوم پېژندل کېږي، …