کورپاڼه / د لوبو راپورونه / شکېب کرکټ ته راستنېدو سره سم وځلېده، بنګله دېش له ويسټ انډيز لوبه وګټله
شکېب الحسن

شکېب کرکټ ته راستنېدو سره سم وځلېده، بنګله دېش له ويسټ انډيز لوبه وګټله

شکېب الحسن د يو کلن بندېز پاى ته رسېدو وروسته په لومړي ځل د ويسټ انډيز پر وړاندې په لوبه کې ولوبېده، چې د ښه ځلېدو له امله يې د لوبې د غوره لوبغاړي جايزه هم ترلاسه کړه.

د ويسټ انډيز او بنګله دېش ترمنځ لومړۍ نړيواله يو ورځنۍ لوبه په ډهاکه کې ترسره شوه. د لوبې په پيل کې بنګله دېش پچه وګټله او لومړى يې ويسټ انډيز ته د توپوهنې بلنه ورکړه.

ويسټ انډيز په ٣٢.٢ اورونو کې د ټولو لوبغاړو په سوځېدو ١٢٢ منډې وکړې، چې له ډلې يې کيلي مايرس ٤٠ او روومان پاويل ٢٨ منډې ترلاسه کړې.

د بنګله دېش له لوري شکېب الحسن په زړه پورې توپ اچونه ترسره کړه چې په ٧.٢ اورونو کې يې ٨ منډې ورکړې او ٤ لوبغاړي يې وسوځول، همدا راز حسن محمود ٣ او مستفيظ الرحمان ٢ لوبغاړي وسوځول.

د ١٢٣ منډو هدف د بنګله دېش لوبډلې په ٣٣.٥ اورونو کې د ٤ لوبغاړو په سوځېدو پوره کړ او د ٦ ويکټو په توپير يې په لومړۍ لوبه کې بريا خپله کړه.

د دوى له لوري تميم اقبال ٤٤، شکيب الحسن ١٩ او مشفيق الرحيم هم ١٩ ناسوځېدلې منډې وکړې.

د ويسټ انډيز له لوري اکيل حسين ٣ او جېسن محمد ١ ويکټ واخيسته.

د لوبې د غوره لوبغاړي جايزه شکېب الحسن ترلاسه کړه.

د بنګله دېش او ويسټ انډيز ترمنځ دويمه نړيواله يو ورځنۍ لوبه به د جنورۍ په ٢٢مه نېټه په ډهاکه کې ترسره شي.

Loading...

دا هم ولولئ

کريس ګيل

د کريس ګيل د پرتوګ اغوستلو جالبه ويډيو

د ويسټ انډيز چټک توپوهونکى کريس ګيل، چې د يونيورس باس په نوم پېژندل کېږي، …