کورپاڼه / د لوبو راپورونه / د سويلي افريقا ښځينه لوبډلې د پاکستان ښځينه لوبډله ماته کړه
سويلي افريقا ښځينه لوبډله

د سويلي افريقا ښځينه لوبډلې د پاکستان ښځينه لوبډله ماته کړه

د سويلي افريقا او پاکستان د ښځينه لوبډلو ترمنځ پرون لومړۍ نړيواله يو ورځنۍ لوبه ترسره شوه، چې سويلي افريقا د ٣ منډو په توپير بريا خپله کړه.

دا لوبه چې په ډربن کې پرون ترسره شوه، د پاکستان ښځينه لوبډلې پچه وګټله او لومړى يې د سويلي افريقا لوبډلې ته د توپوهنې بلنه ورکړه.

د سويلي افريقا ښځينه لوبډلې په ټاکلو ٥٠ اورونو کې د ٩ لوبغاړو په سوځېدو ٢٠٠ منډې وکړې، چې له ډلې يې مريزان کېپ ٤٧، لارا ولوارډت ٤٠ او ميګنن ډو پريز ٢٩ منډې ترلاسه کړې.

د پاکستان له لوري ډيانا بېګ ٣، ندا ډار او نشرو ساندهو ٢-٢ لوبغاړې وسوځولې.

د پاکستان ښځينه لوبډلې د ٢٠١ منډو هدف په تعقيب کې په ټاکلو ٥٠ اورونو کې د ٨ لوبغاړو په سوځېدو ١٩٧ منډې وکړې او د ٣ منډو په توپير يې په لوبه کې ماتې وخوړه.

د دوى له لوري ندا ډار ٥٩ ناسوځېدلې، عميمه سهيل ٣٧ او ډيانا بېګ ٣٥ ناسوځېدلې منډې وکړې.

د ويسټ انډيز له لوري شبنم اسماعيل ٣ لوبغاړې وسوځولې.

د لوبې د غوره لوبغاړې جايزه شبنم اسماعيل ته ورکړل شوه.

د پاکستان او سويلي افريقا ښځينه لوبډلو ترمنځ د ٣ نړيوالو يو ورځنيو لوبو دويمه لوبه به د جنورۍ په ٢٣مه نېټه په ډربن کې ترسره شي.

Loading...

دا هم ولولئ

محمد نبي

محمد نبي پي ايس ايل کې لومړۍ ويکټ واخيسته، خو لوبډلې يې ماتې وخوړه

محمد نبي تېره ورځ د پاکستان سوپر ليګ په لوبه کې د توپوهنې تر څنګ …