کورپاڼه / خبرونه / د افغانستان او ايرلېنډ لومړۍ لوبې Highlights ويډيويي لنډيز
افغان لوبډله

د افغانستان او ايرلېنډ لومړۍ لوبې Highlights ويډيويي لنډيز

افغانستان په لومړۍ نړيواله يو ورځنۍ لوبه کې د ايرلېنډ لوبډلې د ١٦ منډو په توپير ماتې ورکړه او د لوبلړۍ پيل يې په بريا سره وکړ.

په دې لوبه کې په توپوهنه کې رحمان الله ګربز او راشد خان او په توپ اچونه کې بيا نوين الحق تر نورو ښه وځلېدل، چې رحمان الله ګربز د لوبې د غوره لوبغاړي جايزه هم ترلاسه کړه.

د دې لوبې ويډيويي لنډيز دلته وګورئ:

د يادولو وړ ده چې افغانستان لومړى توپوهنه وکړه، چې د ايرلېنډ لوبډلې ته يې د ٢٨٨ منډو هدف وټاکه، رحمان الله ګربز ١٢٧ منډې وکړې، چې لومړنى افغان توپوهونکى شو، چې په خپله لومړنۍ نړيواله يو ورځنۍ لوبه کې سليزه وهي، همدا راز راشد خان هم چټکه پنځوسيزه ووهله.

خو د ايرلېنډ لوبډلې ونه شول کولاى چې ياد هدف پوره کړي او په پنځوس اورونو کې يې ٢٧١ منډې وکړې، چې د ١٦ منډو په توپير يې په لومړۍ لوبه کې ماتې وخوړه.

د افغانستان او ايرلېنډ ترمنځ دويمه نړيواله يو ورځنۍ لوبه د جنورۍ په ٢٤مه نېټه د ابوظهبي په شېخ زېد کرکټ لوبغالي کې ترسره کېږي.

Loading...

دا هم ولولئ

کريس ګيل

د کريس ګيل د پرتوګ اغوستلو جالبه ويډيو

د ويسټ انډيز چټک توپوهونکى کريس ګيل، چې د يونيورس باس په نوم پېژندل کېږي، …