کورپاڼه / خپلواک / حمدالله محب راشد او اصغر ته: هر راز ملاتړ مو کوو
راشد خان، حمدالله محب او اصغر افغان

حمدالله محب راشد او اصغر ته: هر راز ملاتړ مو کوو

خپلواک وېبپاڼه (۲۰ اکتوبر ۲۰۱۹): د افغانستان کرکټ ملي لوبډلې لوبډلمشر راشد خان او مرستیال لوبډلمشر اصغر افغان د ملي امنیت شورا سلاکار ډاکټر حمدالله محب سره لیدنه ترسره کړې ده.

د ملي امنیت شورا له دفتره په خپاره شوي خبر کې ویل شوي، چې د ملي امنیت سلاکار ډاکټر حمدالله محب د کرکټ ملي لوبډلې لوبغاړو راشد خان او اصغر افغان سره وکتل.

دا لیدنه پرون ترسره شوې ده، چې د ملي امنیت شورا دفتر يې ماسخوتن ناوخته انځورونه خپاره کړي دي.

په دغه لیدنه کې حمدالله محب له لوبغاړو مننه کړې، چې د هېواد ښکلی او ویاړلی بېرغ يې د نړۍ په ګوټ ګوټ کې رپولی او ویاړونه يې ګټلي.

همدا راز حمدالله محب لوبغاړو ته د حکومت د هر راز ملاتړ ډاډ هم ورکړ.

د یادولو ده چې تر دې مخکې راشد خان د کورنیو چارو وزارت ارشد امنيتي معین جنرال خوشحال سعادت سره هم ناسته کړې وه، چې انځور يې په ټولنیزو رسنیو ډېر لاس په لاس شوی و، خو دواړو د انځور په تړاو هېڅ هم نه و ويلي.

یاده دې وي چې په شپږیزه کرکټ لیګ کې راشد خان د بند امیر ښامارانو او اصغر افغان د کابل بازانو لوبډلمشران و. د اصغر کابل بازان په دویمه کوالیفایر لوبه کې د راشد خان بند امیر ښامارانو مات کړل، همدا راز په پایلوبه کې بیا د محمد نبي مس عینک اتلانو د بند امیر ښامارانو ته ماته ورکړه.

Loading...

دا هم ولولئ

اصغر افغان، فرهان يوسفزى او ګلبدين نايب

افغانستان کرکټ کې بې حسابه پېسې، شهرت او سفرونه دي چې هر څوک يې غواړي

په کرکټ کې او په خاص ډول د افغانستان کرکټ کې درې شيان زيات دي، …