کورپاڼه / د لوبو راپورونه / ايرلېنډ توپوهنه کوي؛ د عظمت پر ځاى شهيدي اخيستل شوى
افغان لوبډله

ايرلېنډ توپوهنه کوي؛ د عظمت پر ځاى شهيدي اخيستل شوى

د افغانستان او ايرلېنډ ترمنځ په دويمه نړيواله يو ورځنۍ لوبه کې د ايرلېنډ لوبډلمشر پچه وګټله او لومړى يې د توپوهنې پرېکړه وکړه.

عظمت الله عمرزى چې د افغانستان لپاره په لومړۍ نړيواله يو ورځنۍ لوبه کې ولوبېده او دا يې لومړنۍ نړيواله يو ورځنۍ لوبه هم وه، په دويمه لوبه کې نه دى اخيستل شوى او د هغه پر ځاى حشمت الله شهيدي ته ځاى ورکړل شوى دى.

د افغانستان ١١ کسيز نوملړ:

رحمان الله ګربز (ويکټ ساتونکى)، جاوېد احمدي، رحمت شاه، اصغر افغان (لوبډلمشر)، حشمت الله شهيدي، نجيب الله ځدراڼ، محمد نبي، ګلبدين نايب، راشد خان، مجيب الرحمان او نوين الحق.

د ايرلېنډ ١١ کسيز نوملړ:

پال سټرلينګ، کيوين اوبراين، انډي بيلبيرني (لوبډلمشر)، هيري ټکټور، لورکن ټکر (ويکټ ساتونکى)، کرټس کمپر، ګاريټ ډيلاني، سيمي سينګ، انډي مک براين، بيري مک کارتي او کرېګ ينګ.

د يادولو وړ ده چې په لومړۍ نړيواله يو ورځنۍ لوبه کې افغانستان د ١٦ منډو په توپير د ايرلېنډ لوبډلې ته ماتې ورکړې وه، چې رحمان الله ګربز په خپله لومړنۍ نړيواله يو ورځنۍ لوبه کې ١٢٧ منډې کړې وې، چې د لومړنۍ نړيوالې يو ورځنۍ لوبې په توګه د يو لوبغاړي دويمې زياتې منډې هم دي.

که څه هم عظمت الله عمرزى په لومړۍ لوبه کې ښه نه و ځلېدلى، خو بيا هم د کرکټ مينه والو او کره کتونکو غوښتنه کوله، چې هغه ته بايد په ټولو لوبو کې د لوبېدو چانس ورکړل شي، تر څو خپل استعداد ښکاره کړي او د يوې لوبې په ترسره کولو سره دې هغه له لوبې نه کېنول کېږي.

Loading...

دا هم ولولئ

نسيم دانش

نسيم دانش: کرکټ يوې ډلې ته په سهم کې ورکړل شوى، دولت يې د جوړولو په کيسه کې نه دى

د افغانستان کرکټ بورډ باندې يو ځل بيا د خلکو نيوکې ډېرې شوې دي او …