کورپاڼه / ساينس او ټېکنالوژي / آیا مایکرو سافټ غواړي چې مړي ژوندي کړي؟

آیا مایکرو سافټ غواړي چې مړي ژوندي کړي؟

ممکنه ده چې په راتلوونکو کلونو کې تاسې پخپل کمپیوټر له هغه کسانو سره خبرې اترې وکړئ، چې ډېر کلونه پخوا مړه شوي وي. د مایکرو سافټ شرکت تېره میاشت (د ۲۰۲۰ کال په دسمبر) د یو داسې الګوریتم د اختراع کولو غوښتنه کړې ده، چې د یو chatbot په مرسته د یو ژوندی یا مړ شوی کس په اندازه د خبرو کولو لیکنیزه تبادله وکړی شي.

یاده دې وي چې chatbot یو داسې اتومات سافټویر دی، چې په اتومات ډول سره لیکنیزې خبرې اترې (chatting) کوي. د مثال په توګه د یوه شرکت chatbot چې په اتومات ډول خپل پیرودونکو ته ځوابونه ورکوي.

په څرګنده توګه معلومېږي چې مایکرو سافټ به د مصنوعي ځیرکتیا په مرسته همدې chatbot ته پرمختګ وکړي او لا به یې حقیقي یا انسان ډوله کړي. ویل کېږي چې دغه نوی الګوریتم به د یو شخص د ټولنیزو رسنیو پوسټونه، څرګندنې، لیکنې، ویډیوګانې او نور مواد استعمالوي، ترڅو د یو شخص په باره کې پوه شي او بیابه په اتومات ډول سره د هماغه کس په څېر له نورو سره په لیکنیز ډول خبرې کوي.

دغه راز تر دې هم ممکنه ده چې دغه نوی chatbot به د یو داسې کس شکل غوره غوره کړي، چې مړ شوی وي، خو په ټولنیزو رسنیو کې یې څه ناڅه پرېښي وي. سربېره پر دې دغه chatbot به د هغه شخصیتونو ځایونه هم ونیسي، چې ډېر مینوال لري او له هغوی سره به څلرویشت ساعت خبرې اترې کوي او دا احساس به هم نه کوي، چې هغوی ګوندې د یو سافټویر سره خبرې کوي.

د مایکرو سافټ د مصنوعي ځیرکتیا د څانګې مشر ټم اوبراین پخپل ټویټ کې لیکي، چې له دې الګوریتم څخه په کوم میسنجر یا chatbot کې د استعمال پلان نه لري، خو د الګوریتم شتون پخپله دا څرګندوي چې دا به په یو وخت نه یو وخت، په پټ یا څرګند ډول، په اتومات ډول د chatbot برخه وګرځي.

Loading...

دا هم ولولئ

فضايي هوټل ١

په فضا کې جوړېدونکى لومړنى هوټل به څه ډول وي؟

په فضا کې جوړېدونکى لومړنى هوټل (سپېس هوټل) به په ٢٠٢٥ کال کې بشپړ شي …