کورپاڼه / تجارتي ليګونه / ټيم ابوظهبي لومړۍ بريا خپله کړه
نجيب الله ځدراڼ

ټيم ابوظهبي لومړۍ بريا خپله کړه

ټيم ابوظهبي نن ښه لوبه ترسره کړه چې د پونى ډيويلز لوبډلې ته يې د ٥ ويکټو په توپير ماتې ورکړه او په روان ليګ کې يې خپله لومړۍ بريا خپله کړه.

د ابوظهبي ټي ١٠ ليګ لسمه لوبه د پونى ډيويلز او ټيم ابوظهبي لوبډلو ترمنځ ترسره شوه. د لوبې په پيل کې ټيم ابوظهبي پچه وګټله او لومړى يې پونى ډيويلز ته د توپوهنې بلنه ورکړه.

پونى ډيويلز په ټاکلو ١٠ اورونو کې د ٤ لوبغاړو په سوځېدو ١٢٩ منډې وکړې، چې له ډلې يې ټام کوهلر کېډمور ٦١ ناسوځېدلې، چاډويک والټن ٢٣ او ديون توماس ٢١ منډې وکړې.

د ټيم ابوظهبي له لوري اوبيد مک کاى ٢ او روهن مصطفى ١ ويکټ واخيسته.

د ١٣٠ منډو هدف د ټيم ابوظهبي لوبډلې په ٨.٣ اورونو کې د ٥ لوبغاړو په سوځېدو پوره کړ او د ٥ ويکټو په توپير يې لومړۍ بريا خپله کړه.

د دوى له لوري جېمي اويرټون ٣٨ ناسوځېدلې، جو کلارک ٢٩، پال سټرلينګ ٢٣ او بين ډکيټ ٢٠ منډې وکړې.

د پونى ډيويلز له لوري هاردس ويلجوين ٣، کرن او احمد رضا ١-١ ويکټ واخيستې.

د لوبې د غوره لوبغاړي جايزه اوبيد مک کاى ته ورکړل شوه.

نن بله لوبه د ناردرن واريرز او بنګله ټايګرز لوبډلو ترمنځ ترسره کېږي.

Loading...

دا هم ولولئ

نسيم دانش

نسيم دانش: کرکټ يوې ډلې ته په سهم کې ورکړل شوى، دولت يې د جوړولو په کيسه کې نه دى

د افغانستان کرکټ بورډ باندې يو ځل بيا د خلکو نيوکې ډېرې شوې دي او …