کورپاڼه / تجارتي ليګونه / تر زبردستې لوبې وروسته واریرز د ټایګرز لوبډله ماته کړه

تر زبردستې لوبې وروسته واریرز د ټایګرز لوبډله ماته کړه

د ناردرن واریرز لوبډلې لپاره نیکولاس پوران چټکه توپوهنه ترسره کړه، چې په مټ يې ناردرن واریرز د ۳۰ منډو په توپیر بنګله ټایګرز ته ماتې ورکړه.

د ابوظهبي ټي ١٠ ليګ ١١مه لوبه د ناردرن واريرز او بنګله ټايګرز لوبډلو ترمنځ ترسره کېږي. د لوبې په پيل کې بنګله ټايګرز پچه وګټله او لومړى يې ناردرن واريرز ته د توپوهنې بلنه ورکړه.

ناردرن واريرز په ټاکلو ١٠ اورونو کې د ٤ لوبغاړو په سوځېدو ١٦٢ منډې وکړې، چې له ډلې يې نيکولاس پوران ډېره چټکه توپوهنه ترسره کړه چې په ٢٦ توپونو يې ٨٩ منډې وکړې، چې يې ١٢ شپږيزې او ٣ څلوريزې هم ووهلې. همدا راز لينډل سيمونس ٤١ منډې ترلاسه کړې.

د بنګله ټايګرز له لوري بيا کريم جنت ٢، مجيب الرحمان او قېس احمد ١-١ ويکټ واخيستې. جنت په ٢ اورونو کې ١٨، مجيب په ٢ اورونو کې ٢٢ او قېس احمد په ٢ اورونو کې ٣٨ منډې ورکړې.

جارج ګارټون بيا په ٢ اورونو کې تر ټولو زياتې ٤٨ منډې ورکړې او محمد عرفان همدا راز په ٢ اورونو کې ٣٦ منډې ورکړې.

د ۱۶۳ منډو هدف په تعقیب د بنګله ټایګرز لوبډلې په ټاکلو ۱۰ اورونو کې د ۳ لوبغاړو په سوځېدو ۱۳۲ منډې وکړې او د ۳۰ منډو په توپیر يې ماتې وخوړه.

د دوی لپاره انډري فلیچر ۵۳ او چراغ سوري ۴۲ ناسوځېدلې منډې وکړې.

د ناردرن واریرز له لوري وهاب ریاض، جنید صدیقي او فابین الین ۱-۱ ویکټ واخیستې.

د لوبې د غوره لوبغاړي جایزه نیکولاس پوران ترلاسه کړه.

Loading...

دا هم ولولئ

انشا اپريدۍ او شاهين شاه اپريدى

د شاهد اپريدي د لور د شاهين اپريدي سره کوژده، د شاهد اپريدي د کورنۍ غبرګون ښکاره شو

د پاکستان کرکټ ملي لوبډلې چټک توپ اچونکي شاهين شاه اپريدي لپاره يې کورنۍ د …