خپلواک افغانستان، سياست، هنر، کرکټ، ساينس او ژوند khpalwak khpalwaak خپلواک
چټک توپوهونکي کریس ګیل په نننۍ لوبه کې وځلېده او په ۲۲ توپونو يې چټکې ۸۴ منډې وکړې، چې خپله لوبډله يې بریالۍ کړه او د غوره لوبغاړي جایزه يې هم ترلاسه کړه.
د ابوظهبي ټي ۱۰ لیګ د سوپر لیګ لوبه کې ټیم ابوظهبي لومړی پچه وګټله او د مراټا عربینز لوبډلې ته د توپوهنې بلنه ورکړه.
مراټا عربینز په ټاکلو ۱۰ اورونو کې د ۴ لوبغاړو په سوځېدو ۹۷ منډې وکړې، چې له ډلې يې علي شان شرافو ۳۳، محمد حفیظ ۲۰، شعېب ملک ۱۵ ناسوځېدلې او مختار علي ۱۴ منډې وکړې.
د ټیم ابوظهبي له لوري اوبید مک کای ۲، نوین الحق او جېمي اویرټون ۱-۱ ویکټ واخیستې.
د ۹۸ منډو هدف د ټیم ابوظهبي لوبډلې په ۵.۳ اورونو کې د ۱ لوبغاړو په سوځېدو پوره کړ او د ۹ ویکټو په ستر توپیر يې بریا خپله کړه.
کریس ګیل په نننۍ لوبه کې ښه وځلېده چې د ۹ شپږیزو او ۶ څلوریزو په مټ يې په ۲۲ توپونو ۸۴ ناسوځېدلې منډې وکړې.
د مراټا عربینز له لوري مصدق حسېن ۱ ویکټ واخیسته.
د لوبې د غوره لوبغاړي جایزه کریس ګیل ترلاسه کړه.
