په مصر کې يوې ښځې ددې لپاره له خپل خاوند څخه طلاق اخیستی، چې ډېر خوب به یې کاوه

په مصر کې یوې ښځې ددې لپاره له خپل خاوند څخه طلاق اخیستي، چې بېخي ډېر خوب به یې کاوه. د الیو السابعه د ورځپاڼې د راپور له مخې ویل کېږي، چې د ذکر شوې ښځې د واده یوه میاشت پوره کېږي، خو د خپل خاوند سخت په دې خبره تنګه وه، چې خاوند به یې بېخي ډېر خوب کاوه.

ویل کېږي چې دې ښځې د مصر په لرغوني کورنۍ محکمه کې عرضه کړې وه او ویلي ول، چې خاوند یې له کار څخه په بېرته راتګ سره سمدستي وېده کېږي او د پنځلس ساعتونو څخه ډېر خوب کوي، دغه راز ښځې دا هم ویلي چې د میلمنو په شتون کې هم ویده کېږي.

ښځې محکمې ته د عرضې په لړ کې ویلي، چې له واده دمخه دې یې خاوند ورته نه ول ویلي، چې دی د ناروغۍ تر حده په خوب کولو عادت ده.

بله خوا محکمې د ښځې غوښتنه منلې او د طلاق حکم یې ورکړی، خو بله خوا یې بیا خاوند وایي چې دی په کومه ناروغۍ نه دی اخته شوی، یوازې د ډېر خوب عادت لري.