نوين الحق د انګلستان په ويټاليټي بلاسټ سياليو کې هم واخيستل شو

د افغانستان چټک توپ اچونکى نوين الحق تازه د انګلستان په ويټاليټي بلاسټ سياليو کې هم د ليسټرشاير لوبډلې له لوري اخيستل شوى دى.

د دغه لوبډلې په وېبپاڼه کې د نوين الحق د اخيستو خبر خپور شوى دى او ليکلي يې دي، چې د ٢٠٢١ کال په ويټاليټي بلاسټ سياليو کې به د افغانستان نوين الحق د دوى په ګټه ولوبېږي.

هغوى دا هم ليکلي دي، چې نوموړي په کارابين پريمئير ليګ او ټي ١٠ ليګ کې ښه توپ اچونه ترسره کړه او همدا راز د اى پي ايل بولۍ ته هم وړاندې کېږي، چې د فبرورۍ په ١٨مه به ترسره کېږي.

Looking forward to this year’s vitality blast with the foxes 🦊 @leicsccc @VitalityBlast @Paulnico199 @1stSportsEvent1 @JamesWelch1983 pic.twitter.com/xGoxutP5JZ

— Naveen ul haq (@imnaveenulhaq) February 12, 2021

دغه لوبډلې په خپله وېبپاڼه کې د نوين الحق د توپ اچونې ستاينه کړې ده او ويلي يې دي، چې نوموړى په هر ډول سختو حالاتو کې توپ اچونه ترسره کولاى شي.

نوين الحق هم د ليسټرشاير لوبډلې له لوري په اخيستل کېدو خوشحالي ښکاره کړې ده او ويلي يې دي، چې د هغه لپاره دا ډېر د خوښۍ ځاى دى، چې د ليسټرشاير لوبډلې سره ولوبېږي او د دوى د ځلېدو سبب وګرځي.

د ليسټرشاير لوبډلې روزونکي هم د نوين الحق د توپ اچونې ستاينه کړې ده او ويلي يې دي، چې خوښ دى چې په راتلونکي پړاو کې به د دوى سره نوين الحق هم ولوبېږي.

د ليسټرشاير لوبډلې ياد خبر په خپله ټويټر پاڼه کې هم خپور کړى دى او هلته يې نوين الحق ته په پښتو کې (ښه راغلاست نوين) هم ليکلي دي.

✍️ | @imnaveenulhaq is a Running Fox!

We’re delighted to announce Naveen for the 2021 @VitalityBlast competition.

Welcome, Naveen | ښه راغلاست نوین

🦊 #runningfoxes | #NaveenSigns | #HungryForMore

— Leicestershire County Cricket Club 🏏 (@leicsccc) February 12, 2021