کورپاڼه / د لوبو راپورونه / سویلي افریقا په دویمه لوبه کې پاکستان ډېر په اسانۍ مات کړ

سویلي افریقا په دویمه لوبه کې پاکستان ډېر په اسانۍ مات کړ

سویلي افریقا په دویمه نړیواله شل اوریزه لوبه کې په ډېرې اسانۍ سره پاکستان ته ماتې ورکړه او د ۶ ویکټو په توپیر يې بریا خپله کړه.

دا لوبه چې په لاهور کې ترسره شوه، سویلي افریقا د لوبې پچه وګټله او پاکستان ته يې د توپوهنې بلنه ورکړه.

پاکستان په ټاکلو ۲۰ اورونو کې د ۷ لوبغاړو په سوځېدو ۱۴۴ منډې وکړې، چې له ډلې يې محمد رضوان ۵۱، فهیم اشرف ۳۰ ناسوځېدلې او افتخار احمد ۲۰ منډې وکړې.

د سویلي افریقا له لوري ډواین پریټوریس ډېره په زړه پورې توپ اچونه ترسره کړه چې ۵ پاکستاني لوبغاړي يې وسوځول.

د ۱۴۵ منډو هدف د سویلي افریقا لوبډلې په ۱۶.۲ اورونو کې د ۴ لوبغاړو په سوځېدو پوره کړ او د ۶ ویکټو په توپیر يې په لوبه کې بریا خپله کړه.

د دوی له لوري ریضا هیندریکس پيټ وان بیلجون ۴۲-۴۲ او ډیویډ میلر ۲۵ ناسوځېدلې منډې وکړې.

د پاکستان له لوري شاهین شاه اپريدي ۲ لوبغاړي وسوځول.

د لوبې د غوره لوبغاړي جایزه ډواین پریټوریس ته ورکړل شوه.

د یادولو وړ ده چې د ۳ نړیوالو شل اوریزو لوبو لړۍ لومړۍ لوبه کې پاکستان بریا خپله کړې وه او وروستۍ لوبه به د فبرورۍ په ۱۴مه نېټه ترسره شي.

Loading...

دا هم ولولئ

انشا اپريدۍ او شاهين شاه اپريدى

د شاهد اپريدي د لور د شاهين اپريدي سره کوژده، د شاهد اپريدي د کورنۍ غبرګون ښکاره شو

د پاکستان کرکټ ملي لوبډلې چټک توپ اچونکي شاهين شاه اپريدي لپاره يې کورنۍ د …