کورپاڼه / روغتيا / په ګردو د ناڅاپي دردونو سببونه څه وي؟

په ګردو د ناڅاپي دردونو سببونه څه وي؟

د ګردو د درد ترټولو عام سببونه د متیازو په نلونو کې میکروب، د ګردو سوخت او په ګردږ کې له تیږو څخه عبارت دي، خو د ګردو دردونو ډېر نور سببونه هم لري او کله چې د ګردو له ناروغیو سره مخ شو نو د بدن تودوخه مو ډېرېږي، د متیازو د کولو پر وخت درد یا سوخت سره مخ کېږو، زړه بدوالی او نورې نښې نښانې هم لري.

کله چې د ګردو د درد سببونه کتلی کېږي، نو د ژوند لارې چارې او طرز طریقې یې کتل کېږي، معاینات یې کېږي، چې د وینې او تشو متیازو ټیسټونه پکې شامل دي او د خېټې او ملا التراساونډ هم ترسره کېږي.

سببونه:

په ناحاپي ډول د ګردو د درد ډېر سببونه وي، چې ترټولو څرګند یې دا دي:

  • د تیږو په سبب د رګونو ستونزئ، چې د ګردو څخه ښکته او د ملا د تیر ترمنځ سخت درد رامنځته کوي.

  • د تشو متیازو په نلونو د میکروب رامنځته کېدل.

  • د ګردو دننه د وینې راټولېدل

  • رګونه تنګېدل

  • رګونه زخمي کېدل

  • د ګردو سرطان

د ناڅاپي درد درملنه به څنګه کوو؟

د ګردو د درد درملنه د هغې په بنسټیزې وجې پورې اړه لري، ډاکتر د میکروب د نښو لپاره د تشو متیازو د ټیسټ لارښوونه کوي او د التراساونډ په وسیله هم معاینات کوي، چې د ناروغۍ د سبب په موندلو کې مرسته کوي او کله چې د درد سبب وموندل شو نو بیا ډاکتر د مناسبې درملنې لپاره لارښوونه هم کوي. که چېرته د درد سبب میکروب وي انټې بیوټیک ورکوي، د ځینو کسانو په ګردو کې تیږي پخپله ښې کېږي او درد یې ښه والی مومي، خو د ځینو بیا عملیاتو ته اړتیا پېښېږي، نو که چېرته غواړئ چې د ګردو له زخم، تیږو او نورو ستونزو وژغورل شئ؛ په ډېره اندازه اوبه وڅښئ او اوبه لرونکي توکي استعمال کړئ.

Loading...

دا هم ولولئ

نخود

چولې چې د غذایي موادو لرونکې وي، حیرانوونکې روغتیایي ګټې لري

د چولو په جوړښت کې د پروټینو او فایبرو شتون کالوري او لوږه برابره ساتي …