خپلواک افغانستان، سياست، هنر، کرکټ، ساينس او ژوند khpalwak khpalwaak خپلواک
مشهور فرانسوي نجومي یا ستور پېژندونکی نوستراډامس په ۱۵۰۳ زېږدیز کال په پاریس کې زېږېدلی او په ۱۵۶۶ کال مړ شوی دی، ویل کېږي چې نوموړي پخپل ژوند کې د نړۍ په اړه ډېرې وړاندوینې کړي وې، چې ځینې بیا رښتیني هم ثابتې شوې، دغه راز نوموړي د ۲۰۲۱ کال په اړه هم ځینې وېروونکې وړاندوینې کړې، چې دریم نړیوال جنګ او د سختو زلزلو راتګ ور پکې شامل دي.
د نوستراډامس د وړاندوینو له مخې ددې نړۍ وروستی کال به ۳۷۹۳ زېږدیز کال وي او دا به پر ځمکه د انساني ژوند وروستی کال وي، نوستراډامس ویلي ول، چې دا کال به وروستۍ مبارزه وي او نړۍ به پای ومومي.
د نوستراډامس د وړاندوینو په اړه انګلیستانی پوه بوبي شیلر وایي، چې نوستراډامس په راتلوونکو کلونو کې د لمریز طوفان وړاندوینه کړې، چې دغه طوفان به د ځمکې بریښنایي سیستم له منځه یوسي او د نړۍ د اړیکو یا ارتباطاتو ټول سیستمونه به له کاره وغورځوي، بریښنا به نه وي او نړۍ به په تیاره کې واقع شي، دغه راز د ییلوسټون په ملي پارک کې به اور شیندنه رامنځته شي چې ډېره تباهي به رامنځته کړي.
