خپلواک افغانستان، سياست، هنر، کرکټ، ساينس او ژوند khpalwak khpalwaak خپلواک
په نړۍ کې ډېر خلک داسې دي، چې څېرې يې يو بل ته ورته وي، خو اوس پاکستانيانو په ټولنيزو رسنيو کې د پاکستان کرکټ ملي لوبډلې د پخواني چټک توپ اچونکي شعېب اختر څېرې ته ورته ښځه پېدا کړې ده.
د شعېب اختر په څېر ښکاره کېدونکې دا ټک ټاکره يوه هندۍ ليکواله ده، چې ونيتا کيلناني نومېږي او عکسونه يې د شعېب اختر سره ګډ په ټولنيزو رسنيو کې ډېر لاس په لاس کېږي.
View this post on Instagram
په ټولنيزو رسنيو کې چې د دواړو کوم عکسونه خپاره شوي دي، بېخي يې څېرې يو بل ته ورته دي او ډېر تغير پکې نه ليدل کېږي.
د شعېب اختر دا همڅېره ښځه ونيتا کيلناني هندۍ ټک ټاکره ده چې بېلا بېل مواد جوړوي، په وروستيو کې هغې د (زموږ والدين څنګه عکسونه اخلي؟) ويډيو په ټولنيزو رسنيو کې ډېره لاس په لاس شوه، چې د پاکستانيانو پام هم ورواوښت.
View this post on Instagram
په ټولنيزو رسنيو کې نه يوازې دا چې د دواړو عکسونه خلکو يو ځاى کړي او خپاره کړي يې دي، بلکې ځينو خلکو بيا د شعېب اختر په څېره باندې د ونيتا کيلناني څېره هم لګولې ده او د دواړو عکسونه يې خپاره کړي دي.
View this post on Instagram
