کورپاڼه / ساينس او ټېکنالوژي / د جنوبي افریقا په یو هوټل کې د کوربتوب چارې روبوټونو ته سپارل شوي

د جنوبي افریقا په یو هوټل کې د کوربتوب چارې روبوټونو ته سپارل شوي

د جنوبي افریقا د بډایي ښارګوتي سیندتون په یو هوټل کې د میلمنو د ښه راغلاست لپاره روبوټ د کوربه په ډول سره کار کوي، ویل کېږي چې له روبوټ سره د خبرو کولو پر وخت په کورونا د اخته کېدو خطر نه وي، ځکه چې دغه روبوټ د غوښې او پوستکي پرځای د بریښنایي او پلاستیکي توکو څخه جوړ شوی.

په دې هوټل کې د لیکسي، میکا او د ایریل په نومونو سره روبوټونه کار کوي، چې په هرې ممکنې طریقې د میلمنو سره مرسته کوي. له دې وړاندې هم په ۲۰۱۵ کال د جاپان د توکیو په ښار کې د هوټل کارونه ماشینونو او روبوټونه ور کړل شوي دي، خو سږ کال د جوهانسبرګ د ښار د سکایي په هوټل کې په بشپړ ډول سره د کوربه توب کارونه روبوټونو ته ورکړل شوي، یاده دې وي چې دا روبوټونه په هغه هیواد کې په کار ګمارل شوي، چې د بې روزګارۍ کچه یې لوړه شوې ده.

اوسمهال په جنوبي افریقا کې د بې روزګارۍ کچه له دیرش سلنو څخه هم ډېره شوې، نو ځکه خو په دې اړه د هوټل مدیر وایي چې خلک یې له کاره نه دي لېرې کړي بلکې د نوو روبوټونو لپاره ځای جوړ کړی.

درې واړه روبوټونه د ګوټو یا اطاقونو په تیارولو کې مرسته کوي او تر درې سوه کیلو ګرامو پورې وزن هم تر کوټو پورې وړلی شي او که چېرته د کورونا ناروغ راشي نو حالات به له خرابېدو څخه ژغوري، که څه هم روبوټ د خپل ځان په اړه څه نه شي ویلی، خو د مصنوعي ځیرکتیا په سبب د خلکو څېرې پېژندلی شي او دا هم معلومولی شي چې په هوټل کې موجود میلمه خوښ دي او که د ناخوښۍ احساس کوي، دغه راز میلمانه هم د روبوټونو په لېدو د خوښۍ احساس کوي او کارونه ورته سپاري.

دا هم ولولئ

فیسبوک د نوم له بدلون وروسته په وټساپ کې هم بدلون راغلی

د فیسبوک بنسټ ایښودونکي مارک زکربرګ د اکتوبر ۲۸مه نېټه د خپل شرکت نوم بدل …