خپلواک افغانستان، سياست، هنر، کرکټ، ساينس او ژوند khpalwak khpalwaak خپلواک
د مېوو او سبو د بې شمېره ګټو په اړه خو موږ ټول پوهېږو، خو اوس خبر دادی که چېرته په ورځني ډول دوه ځلې مېوې او درې ځلې د سبو د استعمال عادت خپل کړو، نو له ناروغیو مو ژغوري او د عمر د ډېرېدو سبب مو ګرځي.
د یوې سروې له مخې چې په شل لکو کسانو ترسره شوې ویل کېږي، چې د سبو او مېوو په استعمال سره د سرطان، لوړ فشار، د زړه د ناروغیو او د شکر د ناروغیو په څېر د ناروغیو مخنیوی کېږي.
د څېړونکې ډلې مهم غړی استاد ډونګ وینګ وایي، چې له دې وړاندې روغتیایي کارپوهانو د مېوو او سبو په استعمال ټینګار کاوه، خو اوسمهال د نوې څېړنې له مخې د سمې اندازې په اړه هم معلومات ترلاسه شوي.
څېړونکو د څېړنې له مخې ویلي چې په ورځني ډول په لږه لږه اندازه پنځه ځلې د مېوو خوړل ګټور وي او له دې څخه ډېر خوراک بیا ځانګړې ګټه نه لري، نو اړینه ده چې دوه ځلې مېوې او درې ځلې سابه وخورو.
دوی زیاتوي چې د آلو، مټرو، جوارو او یوازې د مېوو د اوبو په استعمال سره ځانګړې ګټې نه ترلاسه کېږي، خو که چېرته د شنو پاڼو لرونکي خواړه یاسابه لکه پالک او اوبه لرونکي مېوې وکارول شي نو بیا ګټورې تمامېږي.
