خپلواک افغانستان، سياست، هنر، کرکټ، ساينس او ژوند khpalwak khpalwaak خپلواک
د پاکستان سوپر ليګ کې د پېښور زلمي لوبډله د کراچۍ کنګز پر وړاندې په لوبه کې د اورونو په ترسره کولو کې د زيات وخت اخيستو له امله جريمه شوه.
د راپورونو په وېنا، د پاکستان سوپر ليګ ١٣مه لوبه چې په کراچۍ کې د کراچۍ کنګز او پېښور زلمي لوبډلو ترمنځ ترسره شوه، د ورو اورونو ترسره کولو له امله د پېښور زلمي لوبغاړي جريمه شو، چې ټولو څخه به د لوبې د فيس ١٠ سلنه وګرځوي.
د پاکستان کرکټ بورډ له لوري په خپره شوې خبرپاڼه کې ويل شوي دي، چې پېښور زلمي په ټاکلي وخت کې ١ اور کم وکړ، چې له دې سره يې د پي سي بي د اصولو څخه سرغړونه وکړه او له دې امله د دوى لوبډله جريمه شوه.
د يادولو وړ ده چې په دغه لوبه کې پېښور زلمي د ١٨٩ منډو هدف وټاکه، چې د کراچۍ کنګز لوبډلې ياد هدف د ٤ لوبغاړو په سوځېدو پوره کړ او د ٦ ويکټو په توپير يې بريا خپله کړه.
په دې لوبه کې محمد نبي چټکه توپوهنه ترسره کړه او ٦٧ منډې يې وکړې، چې د کراچۍ کنګز د بريا تر څنګ يې د لوبې د غوره لوبغاړي جايزه هم واخيسته.
