کورپاڼه / بېلا بېل / ویرات کوهلي له انوشکا شرما سره په لومړنۍ لېدنه کې له کومې خبرې وېرېده؟

ویرات کوهلي له انوشکا شرما سره په لومړنۍ لېدنه کې له کومې خبرې وېرېده؟

د هندوستان د کرکټ ملي لوبډلې کپتان ویرات کوهلي او اداکاره یا هنرمنده انوشکا شرما یو له بریالیو جوړو څخه ګڼل کېږي، چې په ۲۰۱۷ کال یې واده وکړ او اوسمهال د یو ماشوم والدین دي.

ګڼ شمېر خلک د ویرات کوهلي او انوشکا شرما د مینې په اړه نه پوهېږي، خو باید ووایو چې ددغې اړیکې پیل دومره ښه نه و. ویرات کوهلي د یوې انټروۍ پرمهال له خپلې میرمنې سره د لومړنۍ لېدنې په اړه خبرې کړي.

د نوموړي د وینا له مخې، د انوشکا او کوهلي لومړنۍ لېدنه د یو اعلان د ثبت پرمهال شوې وه، چې کوهلي له دې وړاندې انوشکا شرما د یوې اداکارې په توګه پېژندله او دا یې هم اورېدلي ول چې نوموړې د لوړې ونې لرونکې ده.

کوهلي وایي، چې په زړه یې کې له ځان سره ویل چې کاش! انوشکا جګ سینډل نه وي پر پښو کړي، ځکه چې د نوموړي ونه تیټه ده، خو بیا یې بخت بیدار و او انوشکا جګې سینډلې نه وې پر پښو کړې.

ویرات کوهلي سره له دې چې وېرېدلی و، د ځان د ارامولو هڅې یې وکړې او په وېره کې ورڅخه ټوکه وشوه او انوشکا ته یې وویل، چې ولې یې د جګو سینډلو د پښو کولو په اړه فکر نه دی کړی.

دا هم ولولئ

الوتکه کې د ماشوم زېږېدل

له کاناډا څخه قاهرې ته تلونکې الوتکه کې ماشوم زېږېدلى

د مصر يوه الوتکه چې له کاناډا څخه قاهرې ته روانه وه، د سفر پر …