کورپاڼه / خبرونه / د شاهد اپريدي د لور د شاهين اپريدي سره کوژده، د شاهد اپريدي د کورنۍ غبرګون ښکاره شو
انشا اپريدۍ او شاهين شاه اپريدى

د شاهد اپريدي د لور د شاهين اپريدي سره کوژده، د شاهد اپريدي د کورنۍ غبرګون ښکاره شو

د پاکستان کرکټ ملي لوبډلې چټک توپ اچونکي شاهين شاه اپريدي لپاره يې کورنۍ د پاکستان کرکټ ملي لوبډلې د پخواني لوبډلمشر او الراونډر لوبغاړي شاهد خان اپريدي د لور لاس غوښتى دى.

د پاکستاني رسنيو د راپورونو په وېنا، په دې اړه د دواړو کورنيو ترمنځ خبرې شوې دي او هر څه وروستي شوي دي، خو د کوژدې لپاره د شاهد اپريدي کورنۍ وخت غوښتى دى.

د شاهين شاه اپريدي پلار اياز خان رسنيو ته ويلي دي، چې د شاهد اپريدي د کورنۍ سره پخوانۍ اړيکې لرو، هغوى دې رشتې ته رضا شوي دي او کوژده به هم ژر ترسره شي.

خو د شاهد اپريدي د کورنۍ يو غړي بيا د پاکستان جيو ټلويزيون ته ويلي دي، چې له تېرو دوه کلونو راهيسې د شاهين اپريدي لپاره د شاهد اپريدي د لور رشته غوښتل کېده.

هغه زياته کړې ده، چې اوس شاهين شاه اپريدى کرکټ کوي او د شاهد اپريدي لور درس وايي، نو له دې امله به د کوژدې اعلان يو څه وخت واخلي.

د شاهد اپريدي د کورنۍ دغه غړي ويلي دي، چې د کوژدې او واده مراسم به په راتلونکو دوه کلونو کې ترسره شي.

د سرچينو په وينا، شاهد خان اپريدي په دې اړه تراوسه په رسمي ډول څه نه دي ويلي، خو ويل کېږي چې ښايي هغه هم ژر د دې خبر اعلان وکړي.

دا هم ولولئ

منيش پانډى

د حېدراباد منيش پانډى له ښه ځلېدو وروسته هم له نيوکو سره مخ دى

پرون د اى پي ايل دريمه لوبه د سنرايزرز حېدراباد او کلکته نايټ رايډرز لوبډلو …