کورپاڼه / خبرونه / افغانستان کرکټ بورډ خپله لوګو (نښه) بدله کړه
د افغانستان کرکټ بورډ لوګو

افغانستان کرکټ بورډ خپله لوګو (نښه) بدله کړه

د افغانستان کرکټ بورډ شاوخوا دوه لسيزې وروسته په خپله لوګو يا نښه کې تغيير راوستى دى، چې د افغانستان درې رنګه ملي بېرغ يې پکې ورزيات کړى دى.

نوې لوګو چې په بېک ګراونډ کې د افغانستان د بېرغ رنګ دى، د لوګو نور ټول رنګ سپين دى او همدا راز په تري ډي شکل کې جوړه شوې ده.

مخکنۍ لوګو کې بيا د غنمو وږي رنګ زيړ و، چې د سور رنګ پټۍ ترې تاوه شوې وه، د ويکټو رنګ شين او د بال رنګ سپين و، همدا راز لمر هم پکې ځلېده او دپاسه پرې د افغانستان کرکټ بورډ په انګليسي کې ليکل شوي و.

په دې نوې لوګو کې بيا د غنمو وږي، ويکټې، بال د تېر په څېر دي، خو يوازې رنګ يې تغير کړى دى، همدا راز لمر هم په لوګو کې نشته دى او په پښتو ژبه (د افغانستان کرکټ بورډ) هم پکې د انګليسي نه لاندې ليکل شوي دي.

د افغانستان کرکټ بورډ نوې لوګو

د افغانستان کرکټ بورډ په فېسبوکپاڼه کې د دې لوګو د خپرولو سره سم ليکل شوي:

((د افغانستان کرکټ بورډ پخوانۍ نښه (لوګو) په ډېر کم توپير سره نوې شوه او د افغانستان درې رنګه ملي بېرغ چې د وطنپالنې او یووالي احساس ورکوي ور زیات کړل شو؛ دغه نوې لوګو به له دې وروسته د افغانستان کرکټ بورډ او ملي لوبډلې په استازولۍ ټولو برخو کې کارول کېږي.))

د يادولو وړ ده چې د افغانستان کرکټ بورډ د عمومي رييس فرهان يوسفزي د راتګ سره سم هم يوه نوې لوګو يا نښه جوړه شوې وه، چې په ټولنيزو رسنيو کې هم خپره شوې وه، خو وروسته هغه لوګو بيا رد شوه.

دا هم ولولئ

کريس موريس

کريس موريس په شپږيزه د راجستان رايلز لوبډله بريالۍ کړه

د راجستان رايلز لوبډله چې د ټاکلي هدف پر وړاندې ډېره کمزورې روانه وه، خو …