د اپريديانو نوې رشته، شاهد اپريدي يې هم په اړه ټويټ وکړ

د پاکستان کرکټ ملي لوبډلې پخواني لوبډلمشر او الراونډر لوبغاړي هم د شاهين شاه اپريدي سره د خپلې لور د رشتې په اړه يو ټويټ کړى دى.

له تېرې ورځې راهيسې په پاکستاني رسنيو کې خبرونه خپاره شوي و، چې د شاهد اپريدي د لور رشته د پاکستان کرکټ ملي لوبډلې چټک توپ اچونکي شاهين شاه اپريدي لپاره غوښتل شوې ده او د دواړو رشته شوې ده.

اوس په دې اړه شاهد اپريدي په خپل ټويټ کې ويلي دي، چې د شاهين اپريدي کورنۍ د هغه د لور د رشتې لپاره د هغه د کورنۍ سره رابطه کړې ده.

Shaheen’s family approached my family for my daughter. Both families are in touch, matches are made in heaven, if Allah wills this match will be made too. My prayers are with Shaheen for his continued success on and off the field.

— Shahid Afridi (@SAfridiOfficial) March 7, 2021

نوموړى زياتوي، جوړې په اسمانونو جوړېږي، که د خداى خوښه وه نو دا رشته به هم وشي. زه په مېدان کې او له مېدان نه بهر د شاهين د بريا لپاره دعاګانې کوم.

د شاهد اپريدي له دې ټويټ وروسته شاهين شاه اپريدي هم ياد ټويټ ريټيوټ کړى دى او ورته يې ليکلي دي، الحمدالله، لالا د دعاګانو لپاره مننه، الله دې د ټولو لپاره کارونه اسان کړي.

Alhumdulillah. Thanks Lala for your prayers. May Allah SWT make things easier for everyone. You are the pride of entire nation. https://t.co/xfQYnb0ONZ

— Shaheen Shah Afridi (@iShaheenAfridi) March 7, 2021

د يادولو وړ ده چې د شاهين شاه اپريدي او د شاهد اپريدي د لور د رشتې په اړه د شاهين اپريدي پلار اياز خان رسنيو ته خبر ورکړى و، چې د خپل زوى لپاره يې دا رشته غوښتې ده.