کورپاڼه / هنر او کلتور / کرينه کپور اخر هم د خپل دويم زوي عکس خپور کړ
کرينه کپور خان

کرينه کپور اخر هم د خپل دويم زوي عکس خپور کړ

د باليووډ فلمونو مشهورې هنرمندې کرينه کپور خان بالاخره د خپل دويم زوى عکس په ټولنيزو رسنيو کې له مينه والو سره شريک کړ.

څو ورځې وړاندې د سېف علي خان او کرينه کپور خان دويم زوى زېږېدلى و، چې د دوى مينه وال يې ليدو ته ډېر په تمه و او د هغه د عکس غوښتنه يې کوله.

اوس د ښځو د نړيوالې ورځې، اتم مارچ باندې کرينه کپور خان په انسټاګرام کې يو عکس خپور کړى دى، چې خپل دويم زوى ورسره په غېږ کې ليدل کېږي.


کرينه کپور د خپل دويم زوي د عکس خپرولو سره ليکلي دي: ((داسې هېڅ هم نشته چې ښځې يې نه شي کولاى.)) همدا راز نوموړې ټولو ښځو ته د هغوى د ورځې مبارکي هم ورکړې ده.

د يادولو وړ ده چې کرينه کپور خان په ٢٠١٢ کال کې د مشهور هنرمند سېف علي خان سره واده کړى و، چې لومړنى ماشوم يې څو کاله وړاندې زېږېدلى و، چې تېمور علي خان نوم پرې ايښودل شوى و، چې اوس يې څو ورځې وړاندې دويم زوى زېږېدلى دى خو تراوسه پورې يې د هغه نوم له خلکو سره نه دى شريک کړى.

دا هم ولولئ

۸۳ فلم

د ۱۹۸۳ کال په نړیوال جام جوړ شوي فلم (۸۳) ټرېلر خپور شو

د هندي سینما د مشهورو اداکارانو رنویر سینګ او دپیکا پاډوکون راتلونکي فلم (۸۳) ټریلر …