د خاورو حساسیت، نښې، نښانې او سببونه

کور یو له ترټولو آرامه ځایونو له جملې څخه دی، خو هغه کسان چې له خاورو سره حساسیت لري کور ورته نا آرامه تمامېږي او د حساسیت نښې، نښانې ډېری وخت د کور د پاکولو، جارو وهلو او خاورو او دوړو پرمهال یاهم ورڅخه وروسته رامنځته کېږي.

هغه کسان چې له خاورو سره حساسیت لري، پخپلو کورونو یاهم د نورو په کورونو کې له دې ستونزې سره ډېر مخ کېږي، په خاورو او دوړو کې ډېر کوچني ژوندي بکټریا وي چې په سترګو سره نه لېدل کېږي او د کور دوړې او په هوا کې موجوده نمي د خوراک په ډول سره استعمالوي او د خاورو حساسیت د پوزې د سوخت سربېره د ساه لنډۍ ستونزې متحرکوي او د پوستکي د ناروغۍ یا ایکزیما سبب کېږي.

د خاورې د حساست نښې، نښانې:

• پرنجېدل

• د پوزې بهېدنه

• سرې، خارښت وهلې یا نمجنې سترګې

• د مرۍ خرابېدل، ټوخی، د سینې سوخت او ساه لنډي

د خاورو د حساسیت سببونه:

• د خاورو ذرې

• سور پری

• حشرې

• د حیواناتو ویښتان، پوستکی یا بڼکې

احتیاطي تدابیر:

• پخپل کور او ورځنیو چارو کې بدلون راوستل

• اهلي حیواناتو لکه غوا، وزه، سپی او نور د خوب له کوټې لېرې وساتئ یاهم له کوره یې دباندې وساتئ

• د کور نمي بېخي لږه کړئ او له پنځوس سلنو یې را کمه کړئ

• په توشکو او بالښتو پوښونه په ګرمو اوبو سره ووینځئ

• د پاکوالي پرمهال ماسک وکاروئ