خپلواک افغانستان، سياست، هنر، کرکټ، ساينس او ژوند khpalwak khpalwaak خپلواک
په امریکا کې له کباړخانې څخه ترلاسه شوې پیاله یا جام د چیني نایابو توکو څخه ګڼل شوی او اوسمهال تر پنځو لکو ډالرو پلورل کېږي، یعنې د یو څو زرو پیاله د میلونونو روپۍ خزانه ثابته شوه.
ویل کېږي چې دغه پیاله په پنځلسمه پیړۍ کې جوړه شوې او نیلي رنګه ګلانو ورته د نایابه کېدو درجه وکړې. عموما امریکایان د خپل کور اضافي شیان د یکشنبې په ورځ په باغ کې د خرڅلاو لپاره ږدي، چې هغوی ورته Yard sale وایي، چې دغه پیاله هم د همداسې یو ځای څخه ترلاسه شوې.
د نړۍ مشهوره د نایابه توکو د لیلام ځای چې په نیویارک کې واقع دی، مشر یې پخپل بیان کې د اصلي څښتن په پټولو سره ویلي، چې دغه پیاله په ۲۰۲۰ کال اخیستې وه، چې بیا ورته زنګ هم وهلی و چې آیا دا به کوم نایابه شی وي؟
ویل کېږي چې دغه پیاله لوټس نومېږي او له پورسلین څخه جوړه شوې او د چین د بادشاه یونګلی له دور سره اړیکه لري، دغه راز د ۱۴۰۳ څخه تر ۱۴۲۴ کلونو ترمنځ جوړه شوې او د هغه وخت یوازې شپږ پیالې راپاتې دي.
دا پیاله به د مارچ په اوولسمه نیټه لیلام ته وړاندې او هیله ښودل شوې چې تر پنځو لکو به وپلورل شي.
