په هند کې د سرو زرو حشرې موندل شوي+ویډیو

هره ورځ پر انټرنیټ او ټولنیزو رسنیو نوې او په زړه پورې ویډیوګانې لاس په لاس کېږي او د لېدونکو د حیرانۍ سبب کېږي، چې په همدې لړ کې د هندوستان د ځنګلونو وزارت افسر سشانتا نندا په ټولنیزه رسنۍ ټویټر یوه ویډیو خپره کړې، چې طلایي رنګه حشرې ور پکې لیدل کېږي.

پر ټویټر د خپرې شوې دې ویډیو چې اوولس ثانیې ده، پکې لیدل کېږي چې د یوه شخص په لاس کې د سرو زرو په څېر ځلېدونکي ژوندۍ حشرې دي او د پنجو په مرستې سره حرکت کوي.

نوموړي لیکلي، چې له جنوب ختیځې اسیا څخه طلایي رنګه حشرې موندل شوي دی. د ویډیو په لېدلو د ټویټر کاروونکو د حیرانۍ څرګندونه کړې او ویلي یې دي چې دغه حشره بالکل د سرو زرو په څېر ده.

Sometimes, all that glitters is gold.
The Golden Tortoise Beetle found in the Southeastern Asia.

🎥: Thokchom Sony pic.twitter.com/nGb1gh7sQ0

— Susanta Nanda IFS (@susantananda3) March 8, 2021

ویل کېږي چې دغه ډول حشرو ته په انګلیسۍ کې کریسومیلیډي او علمي نوم یې چارډوټیلاسیکس دی او په پاڼو کې ژوند کوي او د طلایي او ځلېدونکي رنګ په سبب ورته په ډېرو سیمو کې د سرو زرو حشرې وایي.