خپلواک افغانستان، سياست، هنر، کرکټ، ساينس او ژوند khpalwak khpalwaak خپلواک
په هند کې يو څو ځوانانو د چايو لپاره يوه داسې پياله جوړه کړې ده چې د چايو څښلو وروسته خوړل کېږي، دې پيالې ته د (بسکټ پياله) نوم ورکړل شوى دى.
د هندي رسنيو د راپورونو په وېنا، د هند د کولهاپور اوسېدونکو ٣ ځوانانو د کثافت د کموالي او د هوا د ککړتيا د مخنيوي په موخه يو داسې ګام پورته کړى دى، چې درې واړو ملګرو يو ډول ځانګړې پيالې جوړې کړې دي چې له چايو څښلو وروسته خوړل کېږي.
د چايو دې پيالې ته د (بسکټ کپ) نوم ورکړل شوى دى. د بسکټ او نورو شيانو څخه جوړې شوې دې پياله کې چې کله چاى وڅښئ، نو بيا يې خوړلى هم شئ.
دې ځوانانو د (ايډيبل کټلري) په نوم يو شرکت جوړ کړى دى، چې دوى همداسې لوښي جوړوي، چې له خواړو خوړلو وروسته دا لوښي هم وخوړل شي، دا کار دوى په دې موخه پيل کړى دى، چې د يو ځل کارېدونکو لوښو مخه ونيسي، تر څو د هوا ککړتيا او کثافت په کچه کې کمى راولي.
که يو څوک د دې پيالې خوړل نه غواړي، نو هغوى کولاى شي چې څاروو ته يې ورکړي، داسې به د دې پيالې په کارولو سره کثافت نه جوړېږي.
په رسنيو او ټولنيزو رسنيو کې د دې ځوانانو دا کار ډېر ستايل شوى دى، چې د چاپېرچل د پاکوالي لپاره يې ګټور ګامونه پورته کړي دي.
