خپلواک افغانستان، سياست، هنر، کرکټ، ساينس او ژوند khpalwak khpalwaak خپلواک
په امريکا کې هغه مار چې په پوستکي يې د خندا ايموجيانې جوړې وې، په ډېره ګرانه بيه وپلورل شو، چې په ټولنيزو رسنيو کې يې هم د خلکو پام خپل کړى و.
د نړيوالو رسنيو د راپورونو په وېنا، د مار د نوم اورېدو سره ډېر خلک په ويره اخته کېږي، خو په نړۍ کې داسې خلک هم شته، چې هغه نه يوازې د خطرناکو مارانو د ساتلو شوق لري، بلکې د دې د نسل زياتېدو لپاره کار هم کوي.
همداسې يو کس د امريکا په جارجيا ايالت کې هم ژوند کوي، چې له ٢٠٠٣ کال راهيسې د مارانو ساتنه او پالنه کوي، نوموړى يو ځانګړى د سپين رنګ مار لري، چې هغه رالوى کړى دى او د دې مار ځانګړتيا دا ده، چې په قدرتي ډول يې په پوستکي باندې د خندا ايموجيانې جوړې شوې دي.
د کيسټن کوبيلکا په نوم دغه سړي د دې مار ويډيو په ټولنيزو رسنيو کې هم خپره کړې وه، چې د خلکو له خوا په ټولنيزو رسنيو کې د دې مار ويډيو ډېره خوښه او لاس په لاس شوه.
تازه د دې مار په اړه په يوه راپور کې ويل شوي دي، چې دا مار يو کس په لوړه بيه اخيستى دى، دا مار په ٦ زره امريکايي ډالرو باندې د مارانو يو شوقي اخيستى دى.
View this post on Instagram
