کورپاڼه / ساينس او ټېکنالوژي / د انټرنېټ ٣٢مه کليزه، لا هم ميليونونه ځوانان له انټرنېټ نه محرومه دي
انټرنېټ

د انټرنېټ ٣٢مه کليزه، لا هم ميليونونه ځوانان له انټرنېټ نه محرومه دي

انټرنېټ چې د خلکو ژوند ته راغلى دى ٣٢ کاله يې پوره شو، خو نن هم د ځوانانو يوه لويه برخه د انټرنېټ څخه محرومه ده او لاسرسى ورته نه لري.

د برېتانيې ورځپاڼې ګارډين د انټرنېټ د ٣٢ کلنې کليزې په ورځ د انټرنېټ د بنسټګر ټام برنرز لي يو خط خپور کړى دى، چې پکې ويل شوي دي، چې ځوانانو ته د انټرنېټ ته د لاسرسي اسانتياوې رامنځته شي، په ځانګړې توګه هغه ځوانان چې عمرونه يې له ١٥ څخه تر ٢٤ کلونو پورې دي او انټرنېټ ته لاسرسى نه لري.

ټام برنرز وايي، چې د ځوانانو اغېز د انټرنېټ تر څنګ د دوى په ټولنه کې هم ليدل کېږي، خو ډېرى داسې ځوانان دي چې انټرنېټ ته د لاسرسي نه لرلو له امله د خپلو فکرونو او وړتياو خپرولو څخه بې برخې دي.

د انټرنېټ بنسټګر ټام برنرز لي وايي، چې ډېر ځوانان د ډيوايسونو يا غوره کنيکشن نه لرلو له امله د وېبپاڼو څخه په پوره ډول ګټه نه شي اخيستلى.

ټام برنرز لي
ټام برنرز لي؛ د انټرنېټ بنسټګر

ټام برنرز په خپل خط کې ليکي، چې ٢ ميليارده او ٢٠٠ ميليونه ځوانان داسې دي، چې د انټرنېټ د ښو اسانتياو نه لرلو له امله د کورونا په دې حالاتو کې د انلاين زده کړو څخه بې برخې شو، خو ډېرو بيا د انټرنېټ په مرسته خپلو زده کړو ته دوام ورکړ.

د هغه په فکر، که په ټوله نړۍ کې ځوانانو ته انټرنېټ ته لاسرسى پېدا کړاى شي، نو دا به ډېر ګټور وي.

د ټام برنرز لي د اندازې له مخې، په راتلونکو لس کلونو کې چې هر يو کس ته د براډبېنډ کنيکشن ورسول شي، نو په دې باندې به څلور ټريليونه ډالر مصارف راشي.

د کورونا وبا پر مهال د دې احساس بېخي ډېر شو، چې بايد ځوانانو ته د انټرنېټ ته لاسرسي اسانتيا ورکړل شي، تر څو په انلاين بڼه د زده کړې ترلاسه کولو پر وړاندې کوم خنډ ورته جوړ نه شي.

د کرنټين پر مهال چې پوهنتونونه او ښوونځي وتړل شول، نو ډېرى زده کړيالانو د انټرنېټ يا کمپيوټر د نه شتون له امله زده کړې ونه کړاى شوې.

دا هم ولولئ

فیسبوک د نوم له بدلون وروسته په وټساپ کې هم بدلون راغلی

د فیسبوک بنسټ ایښودونکي مارک زکربرګ د اکتوبر ۲۸مه نېټه د خپل شرکت نوم بدل …