کورپاڼه / بېلا بېل / د سعودي عربستان لرغونپوهانو مکې ته تلوونکې پخوانۍ لار موندلې

د سعودي عربستان لرغونپوهانو مکې ته تلوونکې پخوانۍ لار موندلې

د سعودي عربستان د شګو لاندې پټ تاریخ اوس هم د موندنو په تمه ساه اخلي، چې په دې کې یو داسې پخوانۍ لار هم وه چې د لرغونپوهانو لخوا موندل شوې ده.

د عرب نیوز د راپور له مخې ویل کېږي، چې زبیده پټلۍ لار چې د کوفې د اوسیدونکو د حج په لارې سره هم پېژندل کېږي د عراق له کوفې څخه تر مکې پورې تر شپاړس سوه کیلو میترو پورې غزېدلې ده، دغه پخوانۍ لار له اسلام څخه دمخه سوداګریزه لار وه او د اسلام په خپرېدو سره د حجیانو د تګ راتګ لار وګرځېده او اوسمهال په ټریل په ځانګړي توګه حایل کې کېندنې پیل شوي.

ویل کېږي د سعودي حکومت لرغونپوهانو ته اجازه ورکړې، چې په فاید او ال البیت سیمو کې کېندنې ترسره کړي او څېړنې دې وکړي.

د حایل پوهنتون ریس ډاکتر خلیل الابراهیم عرب نیوز ته ویلي، چې د سیاحت او لرغون پېژندنې څانګې یې په سیمه کې د موجودو ځایونو د څېړلو لپاره د سیاحت یا د ګرځندویانو له وزارت سره تړونونه کړي دي.

ډاکتر خلیل الابراهیم وایي، چې په حایل کې د زبیده پټلۍ باندې پراته اسلامي ښارونه او لرغوني ځایونه نه دی څېړل شوي او نه یې هم کېندنې شوي دي، خو دا سیمه د ځمکې لاندې ډېر معلومات او اثار لري.

ویل کېږي چې اوسمهال حایل پوهنتون د کنګ سعود پوهنتون سره په دغه سیمه کې په کېندنو بوخت دي او د سعودي حکومت هم د لرغونو اثارو د څېړلو لپاره یو مرکز جوړ کړی او په دې هیواد کې یې د بهرنیو لرغونپوهانو د آسانتیا لپاره قانون رامنځته کړی.

یاده دې وي چې اوسمهال په سعودي عربستان کې له شلو ډېرې پروژې کار کوي، ترڅو ددغه هیواد تاریخ ومومي.

دا هم ولولئ

فنلېنډ د نړۍ تر ټولو خوښ او افغانستان بیا تر ټولو ناخوښ یا غمجن هېواد اعلان شو

که څه هم په دې وروستیو کې نړۍ له بېلابېلو ستونزو او په دې وروستیو …