کورپاڼه / ليکنې / آیا تاسې د دندې په لټه کې یئ؟ دغه شپږ ټکي درسره تجربه کړئ

آیا تاسې د دندې په لټه کې یئ؟ دغه شپږ ټکي درسره تجربه کړئ

آیا تاسې هم د دندې په لټولو ـ لټولو ناهیلي شوي یئ؟ آیا تاسې غواړئ چې ناهیلي مو ډېره شي او په دې نه پوهېږئ چې باید څه وکړئ؟ په دې اړه د یو څو کارونو ترسره کول درسره مرسته کوي ترڅو د دندې په لټولو کې بریالي شئ.

نوې لارې چارې غوره کړئ: دا باید په یاد ولرئ چې د دندو د لټولو کړنه له پخوا څخه ډېره بدله شوې ده او اوسنۍ نړۍ ټوله پر انټرنیټ ولاړه ده، نو اړینه ده چې په ځینو ویب سایټونو کې وګرځو او د دندو فرصتونه ترلاسه کړو.

د وسیلو کارول: تاسې کولی شئ چې د دندې د لټون لپاره ځینې وسایل وکاروئ د مثال په ډول د دندې د لټون لپاره ځانګړي الفاظ کارول، کله چې هم د دندې د لټون لپاره سم او ښه الفاظ وکاروئ نو پايله به یې هم ښه وي، له یو ځای څخه په رد کېدو ناهیلي کېږئ مه، ځکه چې دا هم د دندې د موندلو یوه برخه ده او د منفي فکرونو پرځای احساس کړئ چې غلطۍ لرئ.

د دندې اړوند سي وي جوړه کړئ: د خپلې تجربې له مخې د هرې دندې لپاره باید بېله سي وي جوړه کړئ ترڅو ستاسې مناسبې تجربې ور پکې وي او شرکت هم ورته اړتیا ولري، نو اړینه ده چې د دندې اعلان سم ولولئ او د دندې اړتیاوې وپېژنئ.

له سي وي لېږلو دمخه کېدونکی کار: ځینې وختونه ډېره کوچنۍ تېروتنه هم ستاسې د رد کېدو سبب کېږي، نو باید پام ورته وشي او هغه دا چې ډېری وخت په سي وي کې ځینې ګرامري یاهم د الفاظو تېروتنې واقع کېږي، نو که چېرته خپله سي وي سمه ونه ګورو او تېروتنې یې اصلاح نه کړو، نو شاید دنده ترلاسه نه کړو.

د کاري مرکې پرمهال کېدونکی کار: کله چې د کاري مرکې لپاره وغوښتل شوئ نو باید د اړوند دندې او شرکت په اړه څېړنې وکړئ او کله چې در څخه کاري مرکه اخیستل کېږي نو هڅه وکړئ چې ډېرې خبرې او مبالغه ونه کړئ.

د مسلکي اړیکو نیټ ورک یا شبکه جوړه کړئ: اوسمهال د مسلکي اړیکو نیټ ورک د دندې په ترلاسه کولو کې مهم وسیله ګڼل کېږي، چې یوه اسانه او ګټور طریقه هم ده او په دې سره کولی شئ چې د دندې په لټون کې بریا ترلاسه کړئ، نو هڅه وکړئ چې یو نیټ ورک رامنځته کړئ او په ښو اخلاقو یو له بل سره چلند وکړئ.

دا هم ولولئ

خاوند او ښځه

د نارینه وو هغه عادتونه چې ښځې ترې ډېر بد وړي

نارینه ځینې داسې عادتونه لري چې ښځې ور څخه بد وړي، چې د دا ډول …