کورپاڼه / خبرونه / افغانستان په لومړۍ شل اوريزه لوبه کې زمبابوې ماته کړه
رحمان الله ګربز

افغانستان په لومړۍ شل اوريزه لوبه کې زمبابوې ماته کړه

د افغانستان له خوا د ښې توپوهنې وروسته ښه توپ اچونه هم ترسره شوه چې په لومړۍ نړيواله شل اوريزه لوبه کې يې زمبابوې ته ماتې ورکړه.

د دې لوبې په پيل کې زمبابوې پچه ګټلې وه او لومړى يې توپ اچونه غوره کړې وه.

افغانستان په ټاکلو ٢٠ اورونو کې د ٥ لوبغاړو په سوځېدو ١٩٨ منډې وکړې، چې له ډلې يې رحمان الله ګربز ٨٧، اصغر افغان ٥٥ او کريم جنت ٢٦ منډې وکړې.

د زمبابوې له ريچارډ نګاروا او بيليسنګ موزربارني ٢-٢ او ريان برل ١ ويکټ ترلاسه کړې.

د ١٩٩ منډو هدف په تعقيب کې د زمبابوې لوبډلې په ټاکلو ٢٠ اورونو کې د ٧ لوبغاړو په سوځېدو ١٥٠ منډې وکړې او د ٤٨ منډو په توپير يې په لوبه کې ماتې وخوړه.

د دوى له خوا تيناشي کمونهوکامي ٤٤، سين ويليمس ٢٢، سکندر رضا ٢٢ او تاريساى مسکندا ١٨ منډې وکړې.

د افغانستان له خوا راشد خان ښه توپ اچونه ترسره کړه چې ٣ لوبغاړي يې وسوځول، همدا راز کريم جنت او فريد احمد هم ٢-٢ لوبغاړي وسوځول.

د ٣ نړيوالو شل اوريزو لوبو لړۍ کې لومړۍ لوبه افغانستان وګټله او دويمه لوبه به په شېخ زېد کرکټ لوبغالي کې د مارچ په ١٩مه نېټه ترسره شي.

دا هم ولولئ

سکندر رضا د سرطان له خطره وژغورل شو

د زمبابوې د کرکټ ملې لوبډلې پاکستانی الراونډر سکندر رضا د سرطان له خطر څخه …