کورپاڼه / خبرونه / افغانستان زمبابوې ته دريمه ماتې ورکړه، نجيب الله ځدراڼ غوره لوبغاړى شو
نجيب الله ځدراڼ

افغانستان زمبابوې ته دريمه ماتې ورکړه، نجيب الله ځدراڼ غوره لوبغاړى شو

افغانستان په دريمه نړيواله شل اوريزه لوبه کې هم د زمبابوې لوبډلې ته د ٤٧ منډو په توپير ماتې ورکړه او له دې سره نجيب الله ځدراڼ د لوبې د غوره لوبغاړي جايزه ترلاسه کړه.

دريمه نړيواله شل اوريزه لوبه کې افغانستان پچه وګټله او لومړى يې توپوهنه ترسره کړه.

افغانستان په ټاکلو ٢٠ اورونو کې د ٧ لوبغاړو په سوځېدو ١٨٣ منډې وکړې، چې له ډلې يې نجيب الله ځدراڼ ٧٢ ناسوځېدلې، عثمان غني ٣٩، اصغر افغان ٢٤ او کريم جنت ٢١ منډې ترلاسه کړې.

د زمبابوې له ريچارډ نګاروا او بليسنګ موزرباني ٢-٢ ويکټې واخيستې.

د ١٨٤ منډو هدف په تعقيب کې زمبابوې په ټاکلو ٢٠ اورونو کې د ٥ لوبغاړو په سوځېدو ١٣٦ منډې وکړې، چې د ٤٧ منډو په توپير يې ماتې وخوړه.

د دوى له خوا سکندر رضا ٤١ ناسوځېدلې، ريان برل ٣٩ ناسوځېدلې او تاريساى مسکندا ٣٠ منډې وکړې.

د افغانستان له خوا کريم جنت ٢، نوين الحق، محمد نبي او فض حق فاروقي ١-١ ويکټ واخيستې.

د لوبې د غوره لوبغاړي جايزه نجيب الله ځدراڼ او د لوبلړۍ د غوره لوبغاړي جايزه کريم جنت ته ورکړل شوه.

افغانستان په ٣ نړيوالو شل اوريزو لوبو کې د ٣-٠ سره زمبابوې ته ماتې ورکړه او لوبلړۍ يې په خپل نوم کړه.

دا هم ولولئ

ډیلي دا ځل ممبۍ ماته کړه

ډیلي کاپیټلز چې تېر کال يې په څلورو لوبو کې له ممبۍ انډینز څخه ماتې …