کورپاڼه / تجارتي ليګونه / فضل حق فاروقي هند ته لاړ او د چینای لوبډلې سره به یو ځای شي

فضل حق فاروقي هند ته لاړ او د چینای لوبډلې سره به یو ځای شي

د افغانستان کرکټ ملي لوبډلې ځوان توپ اچونکی فضل حق فاروقي هند ته لاړ چې هلته به د هند تجارتي لیګ کې د چینای سوپر کنګز لوبډلې سره د نېټ بالر په توګه پاتې شي.

فضل حق فاروقي چې څو ورځو وړاندې يې د زمبابوې پر وړاندې خپله لومړۍ نړیواله شل اوریزه لوبه ترسره کړه، دا دویم ځل دی چې ای پي ایل کې د نېټ بالر په توګه اخیستل کېږي.

د افغانستان کرکټ بورډ د فضل حق فاروقي په اړه لیکلي دي چې نوموړی نن هند ته لاړ، چېرته چې به ای پي ایل کې د چینای سوپر کنګز لوبډلې سره د نېټ بالر په توګه یو ځای شي.


نوموړی تېر کال د کنګز الیون پنجاب (اوس پنجاب کنګز) لوبډلې سره د نېټ بالر په توګه و، چې هغه مهال مجیب الرحمان هم د یادې لوبډلې سره لوبېده.

د یادولو وړ ده چې د ای پي ایل سیالیو ته هم لږې ورځې پاتې دي او سږکال هم درې افغان لوبغاړي راشد خان، محمد نبي او مجیب الرحمان د سنرایزر حېدراباد لوبډلې سره لوبېږي.

Loading...

دا هم ولولئ

مهيندر سينګ دهوني

دهوني په لومړۍ لوبه کې ١٢ لکه روپۍ جريمه شو

د چيناى سوپر کنګز لوبډلې لوبډلمشر مهيندر سينګ دهوني په خپله لومړۍ لوبه کې د …