شهزاد محمدي: خدای ته وګورئ کله چې سړی ستړی وي، مه یې په غذابوئ

شهزاد محمدي چې ډېره موده کېږي له ملي لوبډلې لېرې پاتې شوی، اوسمهال په کورنیو لوبو کې ډېر ښه لوبېږي.

شهزاد محمدي په همدې لړ نن ورځ د کمال خان بند د پرانیستې په ویاړ په یواځینۍ شل اوریزه لوبه کې د کمال خان بند جووړونکو په ګټه ولوبید، چې په دې لوبه کې د ۳۵ توپونو په لوبولو ۷۴ چټکې منډې ترسره کړې، چې بیا د شرف الدین اشرف له لوري وسوځید.

شهزاد محمدي له لوبې وروسته د ملي تلویزون په خبرو کې وویل: ((غواړم چې بېرته کرکټ ته را ستون شو، خو یو څه ستونزې دي چې هغې کې یو زما د وزن ستونزه هم ده،، ان شاءالله چې ستونزه به حل شي او ژر به راستون شم))

نوموړی په اخر کې مینوالو ته د پیغام په ډول سره وایي: ((خدای ته وګورئ کله چې سړی ستړی وي، مه یې په غذابوئ))

یاده دې وي چې شهزاد محمدي یو له هغه لوبغاړو څخه دی، چې د هیواد دننه او بهر ډېر زیات مینوال لري.