خپلواک افغانستان، سياست، هنر، کرکټ، ساينس او ژوند khpalwak khpalwaak خپلواک
ځینې خلک داسې وي چې پر پیریانو باور لري، خو ځینې بیا داسې هم شته چې باور پرې نه لري او له شتون څخه یې انکار کوي، خو د امریکا د اوهاییو د ایالت د مینټر په ښار کې یوې کامرې داسې صحنه را اخیستې چې په لېدو به یې پیریان نه منونکې خلک به هم ووېروي.
د ډیلي سټار د راپور له مخې ویل کېږي، چې په دې ویډیو کې یو پیری چې د یوې انجلۍ په څېر ښکاري په منډه وهل سره لېدل کېږي.
بل لوري ته د مینټر پولیس وایي چې په دې ویډیو کې منډې وهوونکې یوه د ټیټې ونې لرونکې انجلۍ ده، خو څومره چې ددې ونه ده په دومره اندازې سره د تیټې ونې لرونکی شخص په داسې تیزۍ سره منډه نه شي وهلی، لکه څومره چې دغه پیرۍ انجلۍ منډې وهي.
راپور زیاتوي چې دغه ویډیو د ښار د پولیسو لخوا خپره شوې او له ویډیو معلومېږي چې د شپې پرمهال شوې ده، ځکه چې تیاره هره خوا خپره شوې او په دې کې د سرک په څنډ یو کوچنی غوندې څه شی یو خوا ته منډه وهي او پولیس ورته د پیرۍ انجلۍ نوم ورکړی دی.
پولیس وایي چې دا داسې ښکاري لکه یوه اوه کلنه انجلۍ چې له یو لوري منډه واخلي او بل لوري ته ورکه شي.
