خپلواک افغانستان، سياست، هنر، کرکټ، ساينس او ژوند khpalwak khpalwaak خپلواک
بند ګلپي پخپل جوړښت کې ویټامین ای، ویټامین بي ۶، ویټامین سي، اوسپنه، رایبو فلاوین او فولیټ لري.
پورتني غذایي توکي د انرژۍ په ترلاسه کولو او د عصبي سیستم د ښه والي لپاره اړین وي، دغه راز بند ګلپي په زیاته کچه د فایبرو درلودونکی هم دی او انټي اکساید هم پخپل جوړښت لري چې د پولیفینول او ګندک په نوم مرکبونه ور پکې شامل دي.
انټي اکساید له بدن څخه زهرجن توکي خارجوي او بدن یې له زیان څخه ساتي، دغه راز د ګلپي ویټامین سي هم یو طاقتور انټي اکساید دی چې د زړه ناروغیو، سرطاني ناروغیو او سترګې له کمزورۍ څخه ساتي.
ګلپي د انټي اکساید په درلودلو دایمي سوخت ختموي او د سلفورافین، کیمفیرول او نورو انټي اکسایدو شتون یې د سوخت د اغېزو د کمولو وړتیا لري.
د بند ګلپي په جوړښت کې موجود غذایي توکي عبارت دي له: کالوري ۲۲، پروټین ۱ ګرام، فایبر ۲ ګرامه، ویټامین کی ۸۵ سلنه، ویټامین سي ۵۴ سلنه، فولیټ ۱۰ سلنه، مینګنیز ۷ سلنه، ویټامین بي ۶ شپږ سلنه، کلسیم ۴ سلنه، پوتاشیم ۴ سلنه او میګنیزیم ۳ سلنه
