کورپاڼه / هنر او کلتور / مشهوره اداکاره فاطمه ثنا شېخ هم په کورونا اخته شوه
فاطمه ثنا شېخ

مشهوره اداکاره فاطمه ثنا شېخ هم په کورونا اخته شوه

د بالي ووډ فلمونو مشهوره اداکاره فاطمه ثنا شېخ هم په کورونا ويروس اخته شوې ده، چې په خپله يې په دې اړه خپلو مينه والو سره معلومات شريک کړي دي.

د هندي رسنيو د راپورونو په وېنا، فاطمه ثنا شېخ په خپل انسټاګرام اکاونټ کې يوه سټوري خپره کړې ده او ليکلي يې دي، چې د هغې د کورونا ويروس ټېسټ مثبت راغلى دى.

نوموړې ليکي، چې د کورونا ويروس ټېسټ مثبت راتلو وروسته يې احتياطي لارښوونې عملي کړي دي او ځان يې کرنټين کړى دى. هغې همدا راز د مينه والو څخه مننه هم کړې ده چې د هغې د روغتيا په اړه يې پوښتنې کړې دي او ورته يې ويلي دي، چې احتياطي تدابير دې خپل کړي.

د يادولو وړ ده چې په هند کې هم د کورونا ويروس پېښې ورځ تر بلې زياتېږي، چې اوس د هند يو شمېر مشهور فلمي ستوري هم په دې ويروس اخته شوي دي.

دوه ورځې وړاندې د بالي ووډ فلمونو مشهور اداکار عامر خان د کورونا ټېسټ هم مثبت راغلى و، چې ځان يې کرنټين کړى دى، همدا راز رنبير کپور او ځينې نور اداکاران هم بيا په کورونا اخته شوي دي.

دا هم ولولئ

غزال عنايت

غزال عنايت: يوه مافيايي ډله هڅه کوي چې زه له موسيقۍ او هنره لاس واخلم، ايا زه يې په وړاندې چوپ پاتې شم؟

د هېواد مشهوره سندرغاړې غزال عنايت وايي، چې يوه مافيايي ډله په دې هڅه کې …