کورپاڼه / ساينس او ټېکنالوژي / فیسبوک د خپلو کاروونکو لپاره یوه لویه آسانتیا رامنځته کړه

فیسبوک د خپلو کاروونکو لپاره یوه لویه آسانتیا رامنځته کړه

د ټولنیزو رسنیو ترټولو لوی ویب سایټ فیسبوک د خپلو کاروونکو لپاره یو نوی او په زړه پوری فیچر یا ځانګړتیا رامنځته کړه.

د راپورونو له مخې ویل کېږي چې فیسبوک ادارې یو نوی فیچر یا ځانګړتیا رامنځته کړې او له دې فیچر یا ځانګړتیا څخه به وروسته د فیسبوک کاروونکي وکولی شي چې تبصرې یا څرګندونې (کمنټونه) کنترول کړي.

ویل کېږي چې ددغه په زړه پوري فیچر یا ځانګړتیا په ذریعه به د فیسبوک کاروونکې پخپل پوسټ د خپلې خوښې خلکو ته د تبصرې کولو اجازه ورکړي او هغه کسان چې نه غواړي تبصره یې پر پوسټ وکړي، بندېز پرې لګولی شي.

دغه راز د فیسبوک کاروونکي به دا آسانتیا هم ولري، چې له خپلو ملګرو پرته بل چاته د تبصرې کولو اجازه ور نه کړي.

یاده دې وي چې فیسبوک دغه فیچر ددې لپاره وړاندې کړی، ترڅو د هغه مواد مخنیوی وکړي چې نفرت یا کرکه خپروي او کاروونکې به د (کمنټنګ اډیینس) په انتخابولو سره دغه کار وکولی شي.

ددې فیچر یا ځانګړتیا په مرسته به د کاروونکې ټول پوستونه یوازې هغه کسانو ته ښکاري چې اجازه ور کړل شوي وي.

باید یادونه یې وشي چې د فیسبوک ادارې روانه میاشت د سیاسي او مدني ډلو کاروونکو ته د لاسرسي د محدودلو اعلان هم کړی دی.

Loading...

دا هم ولولئ

د وټساپ هغه فیچر یا ځانګړتیا چې کاروونکې یې له ډېره وخته په تمه دي

وټساپ د نړۍ ترټولو مشهور د میسج یا پیغام لېږلو اپلیکیشن دی، چې له دوه …