کورپاڼه / ساينس او ټېکنالوژي / یوه داسې ټیکنالوژي رامنځته شوې چې د آواز په استعمال سره د سږو د ناروغیو تشخیص کوي

یوه داسې ټیکنالوژي رامنځته شوې چې د آواز په استعمال سره د سږو د ناروغیو تشخیص کوي

اوسمهال د سږو د ناروغیو تشخیص د موبایل د اپلیکیشن له لارې د خبرو په کولو سره هم ممکن شو. ویل کېږي چې د پنسلوانیا د الګاني عمومي روغتون د سږو د څارنې ډلې کارپوهانو یوازې د ناروغ شخص د آواز په کارولو سره د ناروغیو د تشخیص یوه آسانه طریقه وړاندې کړې ده.

راپورونه وایي چې دغه ټیکنالوژي د کارنیګي میلن پوهنتون د څېړونکو په مرسته جوړه شوې او د سږو د ناروغۍ (پلمونري) د تشخیص لپاره له ځیرک ټابلیټ څخه کار اخلي.

ناروغ شخص باید د نبض د حالت له معاینې کولو څخه تېر شي ترڅو د سږو د فعالیت اندازه معلومه کړي، خو دا او دې ته ورته نور ټیسټونه یا معاینات سختې خوارۍ ته اړتیا لري او هغه کسان چې د سږو په ناروغۍ اخته وي په کلني ډول یې معاینه ترسره کېږي.

بله لوري ته نوې جوړه شوې ټیکنالوژي یا د معایناتو بدیله طریقه د آواز په استعمالولو سره د سږو د ناروغۍ د تشخیص لپاره یوه نوې اغېزمنه او آسانه طریقه ده.

څېړونکې وایي چې آواز یا غږ د ډېرو روغتیایې حالاتو څرګندونه کوي، په ځانګړې توګه د تنفسي سیستم د اړوندو ناروغیو ښه څرګندونه کوي، نو ویلی شو چې د آواز په استعمالولو سره د سږو د فعالیت په اړه معلومات ترلاسه کېږي.

دا هم ولولئ

خړ رنګه لېوان له نن څخه زرګونه کاله دمخه څنګه له ورکېدو څخه وژغورل شول؟

خړ رنګه یا نسواري رنګ لېوان یو له هغه لویو ښکار کوونکو حیواناتو له جملې …