خپلواک افغانستان، سياست، هنر، کرکټ، ساينس او ژوند khpalwak khpalwaak خپلواک
و خوړو، مېوو، سبزیجاتو او د خطرناکو عصبي ګازونو یو داسې پېژندونکی قلم جوړ شوی چې یوازې په یو څو دقیقو کې یې نوکه د ګازونو په شتون سره رنګ بدلوي.
په ځانګړي توګه په جنګونو او بریدنو کې د اعصابو ضد ګازونه استعمالېږي چې رنګ او بوی نه لري، همدغه ډول د خوراک او څښاک ډېر شیان له خرابېدو سره د ګازونه بخار خارجوي چې موږ یې نه شو لېدلی.
دغه قلم په چین د شینزن پرمختللي مطالعاتو انسیتیوت له لورې د څو ادارو په مرسته جوړ شوی او لومړۍ نمونه یې د یو متخصص په ډول سره کار کوي چې ډېر کم لګښته او اغېزمن هم دی او د خپلې ځانګړتیا له مخې زیانمن کیمیاوي مادې په نښه کوي او یو ډول روښنایي خارجوي.
ویل کېږي چې دغه قلم ته شي جیاو، پینګفانګ زینګ، هیاتو فینګ، بین زونګ ټینګ او نورو ملګرو یې د نوکې شکل ورکړی او کله چې ګاز خارجېږي یاهم د خرابو شوو خوړو څخه بخار پورته کېږي نو د قلم نوک یو ډول روښنایي کوي.له دې وروسته یې دې قلم ته نور پرمختګ هم وکړ او دوه ډوله سانسورونه یې پکې ولګول چې دوه په نیم ساعت کې د رنګ په بدلولږ سره د زهرجنو ګازونه د شتون څرګندونه کوي او دغه دورانیه یې تر پنځو دقیقو راوسته.باید ووایم چې یو ډول سانسور یې که چېرته د ماهي غوښه لږ هم ځنډنه وي سمدستي یې پېژني او راتلوونکې مرحله کې به د مختلفو خوړو د خرابوالي د معلومولو لپاره سانسورونه تیار شي.
