کورپاڼه / سياست او روانې چارې / په افغانستان کې څومره پاکستاني او ايراني کډوال مېشت دي؟ شمېر يې معلوم شو
ايران افغانستان او پاکستان

په افغانستان کې څومره پاکستاني او ايراني کډوال مېشت دي؟ شمېر يې معلوم شو

په تېرو څلور لسيزو کې په ميليونونو افغانانو د ګاونډي هېوادونو په ګډون د نړۍ ډېرى هېوادونو ته تللي او هلته يې د کډوالۍ ژوند غوره کړى دى، خو ايا تاسې ته معلومات شته چې په افغانستان کې څومره پاکستاني او ايراني کډوال مېشت دي؟

د ملګرو ملتونو د مهاجرينو عالي کمېشنرۍ په خپل يو تازه راپور کې ويلي دي، چې په افغانستان کې د ګاونډي هېوادونو پاکستان او ايران تر ٧٢ زرو څخه زيات کډوال مېشت دي او دلته ورته پناه ورکړل شوې ده.

د اوکسس ټلويزيون د يو راپور په وېنا، چې د ملګرو ملتونو د مهاجرينو عالي کميشنرۍ وياند محمد نادر فرهاد وايي، ٤٢٠ تنه چې په افغانستان کې يې د کډوالۍ ژوند غوره کړى دى، هغه بيا له دې هېوادونو پرته د نورو هېوادونو اوسېدونکي دي.

دا په داسې حال کې ده چې شاوخوا ٧ ميليونونه افغانان د نړۍ په بېلا بېلو هېوادونو کې کډوال دي، چې له دې لړ څخه بيا په پاکستان او ايران کې هم ډېر افغانان د کډوالۍ ژوند تېروي.

د يادولو وړ ده چې په افغانستان کې د نوې ادارې د منځته راتګ وروسته، په ميليونونو افغانان بېرته خپل هېواد ته راستانه شوي دي او دلته يې ژوند غوره کړى دى.

دا هم ولولئ

حاجي سید احمد سېلاب

د مجردانو وکیل دا ځل په هلمند کې د ۱۰۰ بې وزله زومانو ډلییز ودونه کوي

په تېر حکومت کې د پارلمان غړی او د بې وزله خلکو سره مرسته کوونکی …