بابر اعظم یو بل ریکارډ هم پخپل نوم کړ

په شل اوریزه کرکټ لوبو کې بابر اعظم د هغه لوبغاړو په نوملړ کې دویم ځای خپل کړ، چې په تېزۍ سره یې ۶۰۰۰ منډې جوړ کړي.

بابر اعظم په شل اوریزو لوبو کې د ۶۰۰۰ منډو د بشپړولو هدف د سویلي افریقا پر وړاندې د یوې منډې په اخیستلو سره پوره کړ.

په شل اوریزو کې په تېزۍ سره د ۶۰۰۰ منډو د جوړونکو په نوملړ کې د ویسټ انډیز لوبډلې مشهور توپ وهونکی کریس ګیل په لومړي مقام ځای لري.

بل لوري ته استرالیایي توپ وهونکی شان مارش دغه کارنامه په ۱۸۰، د هندي لوبډلې کپتان ویرات کوهلي په ۱۸۴ او استرالیایي لوبغاړي ارون فینچ په ۱۹۰ پاڼو کې ترسره کړې.

6000 T20 runs for @babarazam258 – only @henrygayle has reached the mark in fewer innings! 💪 #SAvPAK

— ESPNcricinfo (@ESPNcricinfo) April 10, 2021

باید ووایم چې په تېزۍ سره د ۶۰۰۰ منډو جوړولو ریکارډ له ګریس ګیل سره دی، چې په ۱۶۲ پاڼو کې یې ۶۰۰۰ منډې پوره کړې دي.

یاده دې وي بابر اعظم نن ورځ د سویلي افریقا په وړاندې په څوارلسو توپونو څوارلس منډې ترسره کړې او له میدانه بهر شو.