کورپاڼه / تجارتي ليګونه / کلکتې د حېدر اباد لوبډله ماته کړه

کلکتې د حېدر اباد لوبډله ماته کړه

د سنرایزرز حېدر اباد لپاره منیش پانډی او جوني بیریسټو ښه توپوهنه ترسره کړه خو ټاکل شوی هدف يې پوره نه کړ او کلکتې د ۱۰ منډو په توپیر په لوبه کې بریا خپله کړه.

د هند تجارتي لیګ یا ای پي ایل په دریمه لوبه کې سنرایزرز حېدراباد پچه وګټله او لومړی يې د توپ اچونې پرېکړه وکړه.

کلکته نایټ رایډرز په ټاکلو ۲۰ اورونو کې د ۶ لوبغاړو په سوځېدو ۱۸۷ منډې وکړې، چې له ډلې يې نیتیش رانا ۸۰ او راهول تریپاټي ۵۳ منډې ترلاسه کړې.

د سنرایزرز حېدراباد له خوا راشد خان او محمد نبي ۲-۲، بوینشور کمار او ټي ناټاراجن ۱-۱ ویکټ واخیستې.

د ۱۸۸ منډو هدف په تعقیب کې د سنرایزرز حېدراباد لوبډلې په ټاکلو ۲۰ اورونو کې د ۵ لوبغاړو په سوځېدو ۱۷۷ منډې وکړې او د ۱۰ منډو په توپیر يې ماتې وخوړه.

د حېدراباد لپاره منیش پانډی ۶۱ ناسوځېدلې، جوني بیریسټو ۵۵، عبدالصمد ۱۹ ناسوځېدلې او محمد نبي ۱۴ منډې وکړې.

د کلکتې له لوري پراسید کرشنا ۲، شکېب الحسن، پاټ کومنز او انډري رسل ۱-۱ ویکټ واخیستې.

سبا د اپریل په ۱۲مه نېټه به د ای پي ایل څلورمه لوبه د راجستان رایلز او پنجاب کنګز لوبډلو ترمنځ ترسره شي، چې د افغانستان په وخت ۶:۳۰ بجې پیلېږي.

دا هم ولولئ

انګلستان

انګلستان: لوبغاړي دې د لیګونو پر ځای ملي لوبډلې ته لومړیتوب ورکړي

د برېتانيې ځینو رسنیو ادعا کړې ه، چې د انګلستان کرکټ بورډ له لوبغاړو څخه …