کورپاڼه / خبرونه / راشد خان: په دې مياشت کې چې هر ښه کار وکړئ ثواب يې ٧٠ دومره زياتېږي
راشد خان (2)

راشد خان: په دې مياشت کې چې هر ښه کار وکړئ ثواب يې ٧٠ دومره زياتېږي

د افغانستان کرکټ ملي لوبډلې مخکښ ورو توپ اچونکي راشد خان د روژې مبارکې مياشتې له رارسېدو سره سم خپل يو پخوانى عکس په ټولنيزو رسنيو کې خپور کړى دى، چې د عمرې پر مهال يې اخيستى و.

دا عکس چې نوموړي په ټويټر کې خپور کړى دى، سپين کالي يې په تن دي او سپين څادر يې هم له سر نه تاو کړى دى، چې ډېر ښکلى پکې ښکاري.

راشد خان له دې عکس سره ليکلي دي، چې په دې مياشت (روژه) کې چې هر ښه کار وکړئ، الله ج يې په ٧٠ باندې حسابوي. همدا راز د روژې مبارکي يې هم مسلمانانو ته ورکړې ده.


راشد خان چې اوسمهال په هند کې دى، په اى پي ايل سياليو کې د سنرايزرز حېدراباد لوبډلې لپاره لوبېږي، چې پرون يې هم تر ټولو ښه توپ اچونه ترسره کړه او د ٢٤ منډو په بدل کې يې ٢ لوبغاړي وسوځول.

د يادولو وړ ده چې تراوسه پورې د سبانۍ روژې په اړه په رسمي ډول اعلان نه دى شوى، خو نن د شعبان ٣٠مه نېټه ده او سبا به د روژې مبارکې لومړۍ ورځ وي.

دا هم ولولئ

انګلستان لوبډله

انګلستان: د ای پي ایل لپاره نړیوال کرکټ نه شو پرېښودی

د انګلستان او ویلس کرکټ بورډ ډایریکټر ایشلی جایلز وايي، چې د ای پي ایل …