کورپاڼه / د لوبو راپورونه / سويلي افريقا ډېر په اسانۍ پاکستان مات کړ
سويلي افريقا او پاکستان

سويلي افريقا ډېر په اسانۍ پاکستان مات کړ

سويلي افريقا په دويمه نړيواله شل اوريزه لوبه کې ډېره ښه لوبه ترسره کړه او ډېر په اسانۍ سره يې د پاکستان لوبډلې ته د ٦ ويکټو په توپير ماتې ورکړه، چې ٣٦ توپونه هم پاتې شو.

دا لوبه چې په جوهانسبرګ کې ترسره شوه، پاکستان د لوبې پچې ګټلو وروسته د توپوهنې پرېکړه وکړه، خو دا پرېکړه يې ناکامه ثابته شوه.

پاکستان په ټاکلو ٢٠ اورونو کې د ٩ لوبغاړو په سوځېدو ١٤٠ منډې وکړې، چې له ډلې يې بابر اعظم ٥٠ او محمد حفيظ ٣٢ منډې ترلاسه کړې.

د سويلي افريقا له خوا بي جارج لينډي او ليزاد ويليمس ٣-٣ ويکټې ترلاسه کړې، چې پاکستان يې د ډېرو منډو جوړولو ته پرې نه ښود.

د ١٤١ منډو هدف سويلي افريقا په ١٤ اورونو کې د ٤ لوبغاړو په سوځېدو ډېر په اسانۍ سره پوره کړاو د ٦ ويکټو په توپير يې په دويمه نړيواله شل اوريزه لوبه کې بريا خپله کړه.

د سويلي افريقا لپاره ايدين مارکرن ٥٤، هينريک کلاسين ٣٦ ناسوځېدلې او جارج لينډي ٢٠ ناسوځېدلې منډې وکړې. د پاکستان له خوا عثمان قادر ٢، حسن علي او محمد حسنېن ١-١ ويکټ واخيستې.

د ٤ نړيوالو شل اوريزو لوبو لړۍ کې پاکستان هم يوه لوبه ګټلې وه چې اوس پکې سويلي افريقا هم يو لوبه وګټله، د دې لړۍ دريمه لوبه به د اپريل په ١٤مه نېټه په سينچورين کې ترسره شي.

دا هم ولولئ

ابراهیم ځدراڼ او نوین الحق

نوین الحق او ابراهیم ځدراڼ انګلستان ته ورسېدل

د افغانستان کرکټ ملي لوبډلې دوه ځوان لوبغاړي نوین الحق او ابراهیم ځدراڼ انګلستان ته …