کورپاڼه / اسلام / سعودي عربستان کې د روژې مياشت وليدل شوه، سبا لومړۍ روژه ده
سعودي عربستان روژه

سعودي عربستان کې د روژې مياشت وليدل شوه، سبا لومړۍ روژه ده

په سعودي عربستان کې د روژې مياشت وليدل شوه، چې سبا، سه شنبه، د حمل ٢٤مه او د اپريل ١٣مه نېټه به د روژې مبارکې مياشتې لومړۍ ورځ وي.

په سعودي عربستان کې شاوخوا ٢٠ ځايونو کې د روژې مياشتې ليدو لپاره ځانګړې ناسته شوې دي، چې ويل کېږي په ځينو برخو کې مياشت ليدل شوې ده.

د حرمين شريفين له فېسبوکپاڼې څخه په دې اړه ټويټ شوى دى او ليکلي يې دي، چې د روژې مياشت وليدل شوه او سبا به د روژې لومړۍ ورځ وي.

په دغه ټويټ کې ليکل شوي دي، چې لومړۍ روژه ١٤٤٢ به سبا، يعنې د سه شنبې په ورځ او د اپريل په ١٣مه نېټه وي، د ماسخوتن له لمانځه وروسته به په حرمين کې تراويح کېږي.


د يادولو وړ ده چې د افغانستان ارشاد، حج او اوقافو وزارت تراوسه پورې د سبانۍ روژې په اړه اعلان نه دى کړى، خو هر کال د سعودي عربستان سره افغانستان هم د روژې او اختر اعلان کوي.

دا هم ولولئ

حج

سعودي عربستان د حج اعلان وکړ

سعودي عربستان اعلان وکړ، چې سږکال به د خلکو د روغتیا خوندیتوب لپاره پوره بندوبست …